ಹಾಡು- ಏನಾಗಿದೆ ನನಗೇನಾಗಿದೆ

ಹಾಡು : `ಏನಾಗಿದೆ ನನಗೇನಾಗಿದೆ` ( ಪ್ರೇರಣೆ ತೆಲುಗು ಹಾಡು)
~~~~~~~~~~~~~~~~~~
ಏನಾಗಿದೆ ನನಗೇನಾಗಿದೆ
ಮನಸೀಗ ಏಕೋ ಮರೆಯಾಗಿದೆ..!
ಹಸಿರಾಗಿದೆ ಉಸಿರಾಗಿದೆ
ನಿನ್ನ ಹೆಸರೀಗ ನನ್ನ ಉಸಿರಾಗಿದೆ..!!
~
ಕರಗಿದೆ ಮನ ಕರಗಿದೆ,
ಇಬ್ಬನಿಯಂತೆ ಈ ಮನ ಕರಗಿದೆ..!
ಮುಳ್ಳಿನ ನಡುವಲಿ ಆ ಸುಮದಂತೆ,
ಅರಳಿದ ಹೂಮನವ ನಾ ನೋಡಿದೆ..!!
~
ಹಾರಾಡಿದೆ ಮನ ಹಾರಾಡಿದೆ
ಕನಸುಗಳೆಲ್ಲ ಕೈಸೇರಿದೆ..!
ಮೋಡದ ಮರೆಯ ಕಿರಣಗಳಂತೆ
ಮನದ ಆಳಕೆ ನೀ ಇಳಿದೆ..!!
~
ಹಾಡಿದೆ ಕೋಗಿಲೆ ಹಾಡಿದೆ
ಜೋಡಿಯ ನೋಡಿ ಈಗ ಹೊಗಳಿದೆ..!
ಕೆರೆಯ ಕಮಲಕೆ ನಾಚಿಕೆಯ ಹೆಚ್ಚಿ
ನಗುತ ಕೆನ್ನೆಯು ಕೆಂಪಾಗಿದೆ..!!
~
ಕುಣಿದಿದೆ ಮನ ಕುಣಿದಿದೆ
ನವಿಲಿನ ಜೊತೆಗೆ ನಲಿದಿದೆ..!
ರಂಗಿನ ಬಣ್ಣ ಮನದಲಿ ಹೆಚ್ಚಿ
ಮದುವೆ ಸಂಭ್ರಮಕೆ‌ ಕಳೆ ಬಂದಿದೆ..!!
~`~
- ಸಿಂಧುಭಾರ್ಗವ್ 🌸