ಹಾಡು- ಮರೆತುಬಿಡಲೇನೊ ನಿನ್ನ

ಮರೆತುಬಿಡಲೇನೋ ನನ್ನ
ಸನಿಹದಲೇ ಕುಳಿತು ನಿನ್ನ..
ಮೈಮರೆತುಬಿಡಲೇನೋ
ನಿನ್ನ ಕಣ್ಗಳಲಿ ಬೆರೆತು ಚಿನ್ನ..
**
ಯಾವುದನ್ನು ಮುಚ್ಚಿಡಲಿ ಯಾವುದನ್ನು ಬಿಚ್ಚಿಡಲಿ
ನನ್ನ ಪ್ರೀತಿಯಂಗಳದಲ್ಲಿ...
ನಿನ್ನದೇ ಛಾಯೆ‌ ಮೂಡಿರುವುದು
ಈ ನನ್ನ ಕಂಗಳಲ್ಲಿ...
*
ನೀ ಸನಿಹವಿರುವೆ ಎಂಬ ನಂಬಿಕೆ ಎನಗೆ
ನೀ ದೂರಾದೂ ಚಿಂತಿಲ್ಲ ನೀನಿರುವೆ ನನ್ನೊಳಗೆ..
*
ಸಾಮಿಪ್ಯದ ನಲಿವು ಇಂದಿಲ್ಲ ಮನದಲ್ಲಿ
ನಿನ್ನ ವಿರಹದುರಿಯು ಸುಡುತಿಹುದು ತನುವಲ್ಲಿ..
*
ಜೀವವೇ ಬರುವುದು ನಿನ್ನೊಂದು ಮಾತಿಗೆ,
ಎನೆಂದು ಹೆಸರಿಡಲಿ ನವಿರಾದ ಭಾವಕೆ...
*
ಮಳೆಸುರಿಯುತಿದೆ ನಿನ್ನ‌ಪ್ರೀತಿ ಅತಿಯಾಗಿ
ಮನಕರಗುತಿದೆ ಈಗ ಮರುಳಾಗಿ...
*
ನೀನೇ ಬೇಕು ಎಂದು ಮನ ಹಟಹಿಡಿಯುವ ಮುನ್ನ
ಸೇರಿಬಿಡು ಒಮ್ಮೆ ನನ್ನ ತೋಳನ್ನ..
*
ಬೇರೇನೂ ಬೇಕಿಲ್ಲ ನಿನ್ನ ವಿನಃ
ಸಿಗದಿದ್ದರೆ ಹುಟ್ಟಿ ಬರಬೇಕು ಪುನಃ
***
ಮರೆತುಬಿಡಲೇನೋ ನನ್ನ
ಸನಿಹದಲೇ‌ ಕುಳಿತು  ನಿನ್ನ..

~ಸಿಂಧುಭಾರ್ಗವ್ . ಬೆಂಗಳೂರು