ಜೀವನದ ಸಂತೆಯಲಿ ತಿರುವೊಂದಿದೆ,
ತಿರುವಿನ ಮೂಲೆಯಲಿ ಕನಸೊಂದಿದೆ,
ಬುಟ್ಟಿಯ ತುಂಬಾ ಪ್ರೀತಿ ತುಂಬಿದೆ,
ನೀನು ಬಂದು ಖರೀದಿಸ ಬೇಕಿದೆ..
ಅಂದು
ನಿನ್ನನು ಒಪ್ಪಿಕೊಂಡಿದ್ದೆ, ಅಪ್ಪಿಕೊಂಡಿದ್ದೆ,
ನೋಡು ಮನವೀಗ ಬೆಪ್ಪಾಗಿ ಕುಳಿತಿದೆ..
ನೀ ನನಗಾಗಿ ಬರೆದ ಆ ಮೊದಲ ಕವನವನ್ನು
ಇನ್ನೊಮ್ಮೆ ಹೇಳಬೇಕಿದೆ.
ನಾನಿನ್ನ ಮಡಿಲಿನಲಿ ಮಲಗಿ
ಅದನ್ನೆಲ್ಲಾ ಕೇಳುವ ಆಸೆಯಾಗಿದೆ..
ಇತ್ತಿಚೆಗೆ ನೀನೇಕೋ ಬದಲಾದಂತಿದೆ..
ನಿನ್ನ ಮಾತಿನಲ್ಲಿ ಏನೋ ಮರೆಯಾಗಿದೆ..
ನಿನ್ನ ಮನವೀಗ ಬೇರೆಲ್ಲೋ ಮುಳುಗಿ ಹೋಗಿದೆ..
ಪ್ರೀತಿಯ ಕಂಗಳಿಂದ ನೋಡುವುದ ಮರೆತಂತಿದೆ..
~~~
- ಸಿಂಧುಭಾರ್ಗವ್.
No comments:
Post a Comment