ಕವಿತೆ - ವಲಸೆ ಬಂದ ಹಕ್ಕಿಗಳು

ಕವನ : "ವಲಸೆ ಬಂದ ಹಕ್ಕಿಗಳು"

ವಲಸೆ ಬಂದ ಹಕ್ಕಿ ನಾನು
ಗೂಡು ಸೇರಲು ಹುಡುಕಿದೆ..
ಅಲ್ಲಿ ಇಲ್ಲಿ ನಿಂತು
ಕೆಲಕಾಲ ದಣಿವ ಇಂಗಿಸಿದೆ..

ಇಲ್ಲಿ ಯಾರು ನನ್ನವರಲ್ಲ,
ಹೊಸ ಊರಿನಲಿ‌ ನನಗೊಂದು ಹೆಸರೂ ಇಲ್ಲ..
ಇಲ್ಲಿ ಯಾರ ಪರಿಚಯ ಇಲ್ಲ,
ನೀರು ಗಾಳಿಗೂ ನಾನು ಈಗ  ಹೊಸಬನಾದೆನಲ್ಲ..

ಕುರಿಯಂತೆ ಕೆಲವರಿಗೆ,
ಮುಸಿಕುಧಾರಿ ಎಂದೆನಿಸುವರು..
ನನ್ನ ನಿಲುವನ್ನು, ನನ್ನ ನೆಲೆಯನ್ನು
 ಗಟ್ಟಿ ಮಾಡಲು ನೋಡುವೆನು.

ಗೂಡು ಸಿಕ್ಕಿತು ಕೈಗೆ ಕೆಲಸವೂ,
ಬಳಗದವರಿಗೂ ನಾನು ಪರಿಚಿತ..
ಜೊತೆಗೆ ಊಟ, ಮಲಗಲು ಸ್ಮಶಾನ,
ಗಾಳಿ,ನೀರಿಗೂ ಇಲ್ಲಿ‌ ಪೈಸ ಕೊಡಬೇಕಣ್ಣ..

ನಮ್ ಊರಲಿ ಹೀಗಿಲ್ಲಣ್ಣ
ನಮ್ ಊರಲಿ ಹೀಗಿಲ್ಲಣ್ಣ..

ವಿಸ್ಮಯದ ಜಗತ್ತಿಗೆ ಪಾದಾರ್ಪಣೆ ಮಾಡಿದೆ..

ಜೀವನದ ಸಂತೆಯಲಿ ಕನಸಿನ ಚೀಲ ತುಂಬಿಸಲು,
ಬೆವರ ಸುರಿಸಿ ದುಡಿಯುವುದು.
ಕೈತುತ್ತು ನೀಡಿದಾಕೆಯ ಅಡಿಗಡಿಗೆ ನೆನಪಿಸುತ,
ಮರೆಯಲಿ ನಿಂತು ಅಳುವುದು..

ವಲಸೆ ಹಕ್ಕಿ ನಾನು ಇರಲೇ ಬೇಕು ತಿರುಗಿ ನೋಡದೇ..
ಉಸಿರು ಬಿಗಿಹಿಡಿದಾದರೂ ಬದುಕಬೇಕು ನಮ್ಮವರಿಗೆ..

~ಸಿಂಧುಭಾರ್ಗವ್ .ಬೆಂಗಳೂರು