ಅಮ್ಮ :
ಕಲ್ಲು ಒಡೆಯುವಳು ,ಮುಳ್ಳು ಕೀಳುವಳು,
ಕಾಲಿಗೆ ಚಪ್ಪಲಿ ಇಲ್ಲದೇನೆ ನಡೆಯುವಳು..
ಹೊರುವಳು ನವಮಾಸದ ಭಾರವನು,
ಕರಳುಬಳ್ಳಿಯ ಕತ್ತರಿಸಿ ಬುವಿಗೆ ಬಿಡುವಳು...
ದುಡಿಯುವಳು ಮಿಡಿಯುವಳು,
ಸೆರೆಗಲೇ ಕಟ್ಟಿಕೊಂಡು ಜೀವನ ಸವೆಸುವಳು..
ಕೊರಗುವಳು ಒಳಗೊಳಗೆ,
ನೀರು ಕುಡಿದು ಹಸಿವ ಇಂಗಿಸುವಳು..
ಕರಿಬೆನ್ನು ಸುಡುತ್ತಿದ್ದರೂ ಚಿಂತೆ ಮಾಡದವಳು,
ಕರುಳಕುಡಿ ಅವ್ವಾ ಎಂದಾಗ ಕರಗುವಳು..
ಬೆನ್ನಿಗಂಟಿದ ಹೊಟ್ಟೆಯ ನೋಡದವಳು,
ಮುಲಾಮು ಹಚ್ಚದೇ ಬದುಕುವಳು..
ಸಿಂಧುಭಾರ್ಗವ್ .
No comments:
Post a Comment