ಚರ್ಚೆ -ಯುವ ಲೇಖಕರಲ್ಲಿ ಭಾಷಾಶುದ್ಧತೆ ಕಡಿಮೆಯಾಗಿತ್ತಿದೆಯೇ

ವಿಷಯ: ಕನ್ನಡ ಯುವ ಲೇಖಕರಲ್ಲಿ ಭಾಷಾಶುದ್ಧತೆ ಮತ್ತು ಕನ್ನಡ ಪದಬಳಕೆ ಕಡಿಮೆಯಾಗುತ್ತಿದೆಯೇ..?

ಹೌದು ಎನ್ನಬಹುದು.ಇತ್ತೀಚೆಗೆ ಬರೆಯುವವರ ಸಂಖ್ಯೆಯು ಹೆಚ್ಚಿದೆ. ಹಾಗೆಯೇ  ಆಂಗ್ಲಪದಗಳ ಬಳಕೆ ಅಲ್ಲಲ್ಲಿ ಕಾಣಸಿಗುತ್ತದೆ. ಪತ್ರಿಕೆಗಳಲ್ಲಿ ಪ್ರಕಟವಾಗುವ ಲೇಖನಗಳಲ್ಲಿಯೂ ಸಹ ಅಂತಹ ಬದಲಾವಣೆಗಳನ್ನು ನಾವು ಕಾಣಬಹುದಾಗಿದೆ.‌ಇದಕ್ಕೆ ವಿರೋಧ ವ್ಯಕ್ತಪಡಿಸುವವರು ಯಾರೂ ಇಲ್ಲ. ವಿರೋಧಿಸಿದರೂ ಲೇಖಕರು ತಮ್ಮನ್ನು ತಾವು ಸಮರ್ಥಿಸಿಕೊಳ್ಳುತ್ತಾರೆ.. ವಾರ್ತೆ ಓದುವವರೂ ಕೂಡ ಅದೆಷ್ಟೋ ಆಂಗ್ಲಪದಬಳಕೆ ಮಾಡುತ್ತಿರುವುದನ್ನು ನಾವು ನೋಡುತ್ತಿದ್ದೇವೆ. ಅದು ಈಗೀಗ ಸಾಮಾನ್ಯ ಎಂಬಂತೆ ಎಲ್ಲರೂ ಹೊಂದಿಕೊಂಡು ಹೋಗುತ್ತಿದ್ದಾರೆ. ಆದರೂ ಶುದ್ಧವಾಗಿ‌ ಒಂದು ಚೌಕಟ್ಟಿನ ಒಳಗೆ ಬರೆಯಬೇಕೆಂದರೆ ನಿಯಮಗಳನ್ನು ಅನುಸರಿಸಲೇ ಬೇಕು ತಾನೆ.? ಆದರೆ ಯಾರೂ ಅದನ್ನು ಗಂಭಿರವಾಗಿ ತೆಗೆದುಕೊಳ್ಳುತ್ತಿಲ್ಲ. ಮುಖಪುಸ್ತಕವೆಂಬ ಸಾಮಾಜಿಕ ಜಾಲತಾಣಗಳಲ್ಲಿ ಕ್ಷಣಕ್ಷಣಕ್ಕೂ ತಮ್ಮ ಆಲೋಚನಾ ಲಹರಿಗಳನ್ನು ಹರಿಯಬಿಡುವಾಗ ಅದು ಸರಿಯೋ ತಪ್ಪೋ ಎಂದು ಯಾರೂ ಗಮನಿಸುವುದಿಲ್ಲ. ಕೆಲವು ಹಿರಿಯರೂ ತಿದ್ದಿ ಹೇಳುವ ಪ್ರಯತ್ನ ಮಾಡಿದರೂ ಬೆಲೆಕೊಡುವುದಿಲ್ಲ.. ನನಗನ್ನಿಸುವುದು ಅಂತಹ  ಬರಹಗಾರರಿಗೆ ಸಾಹಿತ್ಯಲೋಕದಲ್ಲಿ ಶಾಶ್ವತವಾಗಿ ನೆಲೆನಿಲ್ಲುವ ಆಸೆಯಿರುವುದಿಲ್ಲ. ಇಲ್ಲಿ ಏನಾದರೂ ಸಾಧನೆ ಮಾಡಬೇಕು ಎಂದರೆ ಆಳವಾದ ಅಧ್ಯಯನ ಮಾಡಿರಬೇಕು. ಹೊಸಹೊಸ ವಿಷಯಗಳನ್ನು ತಿಳಿದುಕೊಳ್ಳಬೇಕು
 ಅಗತ್ಯವೆನಿಸಿದ ಕಡೆಗಳಲ್ಲಿ ಆಂಗ್ಲಪದಗಳನ್ನು ಉಪಯೋಗಿಸಬಹುದು. ಇನ್ನೂ ಒಂದು ಮಗ್ಗುಲಿನಲ್ಲಿ ಯೋಚಿಸುವುದಾದರೆ ಯುವ ಬರಹಗಾರರು ಹೊಸತನವನ್ನು ಪರಿಚಯಿಸುತ್ತಾ ಇರಬಹುದಾ?! ಎಲ್ಲರಿಗೂ ಅರ್ಥವಾಗುವ ಹಾಗೆ ಕನ್ನಡ-ಆಂಗ್ಲಪದಗಳ ಬಳಕೆ ಮಾಡಿ ಲೇಖನಗಳನ್ನು ಬರೆಯುತ್ತಿರಬಹುದಾ?! ಯಾವುದು ಸರಿ ಯಾವುದು ತಪ್ಪು ಇನ್ನೂ ಗೊಂದಲವೇ..

- ಸಿಂಧುಭಾರ್ಗವ್.