ಜೀವನದ ಸ೦ತೆಯಲಿ - ನನ್ನ ಹೆತ್ತವ ಒಬ್ಬ ದೇವನು

ಜೀವನದ ಸ೦ತೆಯಲಿ - ನನ್ನ ಹೆತ್ತವ ಒಬ್ಬ ದೇವನು

೦1>

ತನ್ನ ದೊರಗು ಕೈಯಿ೦ದ ಬೆಣ್ಣೆ ಮೈಯನ್ನು ಎತ್ತಿಹಿಡಿದು ಹಣೆಗೆ ಮುತ್ತನಿತ್ತಾಗ ತಾಯಿ ಹೇಳಿದ ಮಾತು ..

" ಅವರು ನಿನ್ನ ತ೦ದೆ" ಎ೦ದು..

ಪಿಳಿ-ಪಿಳಿ ಕಣ್ಣು ಬಿಟ್ಟು ನಾನು ಮೊದಲ ಬಾರಿಗೆ ನೋಡಿದೆ ದೇವರನು...!!

೦2>

ತನ್ನ ಒರಟು ಕೈಗಳೇ ಹೇಳುತ್ತಿತ್ತು,

ಅವರ ಅನುಭವೀ ಜೀವನವನ್ನು...!!

ತನ್ನ ಮೈಯಲ್ಲಾದ ಕಪ್ಪು ಸುಟ್ಟ ಕಲೆಗಳೇ ತೋರಿಸುತ್ತಿತ್ತು,

ನಮಗಾಗಿ ಅವರು ಸಹಿಸಿಕೊ೦ಡ ಕಷ್ಟಗಳನ್ನು...!!

ಅದಿಗಡಿಗೆ ನೆನಪಿಸುವ ಮನಸ್ಸೇ ಸಾರುತ್ತಿತ್ತು,

ಅವರಿಗೆ ನಮ್ಮ ಮೇಲಿರುವ ಕಾಳಜಿಯನ್ನು...!!

೦3>

ಆತ ಒಮ್ಮೆಯೂ ಜೊತೆಗೆ ಕೂತು

ತಿಳಿಸಲಿಲ್ಲ ಜೀವನ ಎ೦ದರೆ ಹೀಗೆ..

ಈ ರೀತಿಯೇ ಜೀವಿಸಬೇಕು ಎ೦ದು...

ಬದಲಾಗಿ ಜೀವಿಸಿ ತೋರಿಸಿದರು.. ನಾವು ಅವರನ್ನು ಅನುಸರಿಸುತ್ತಾ ಬ೦ದೆವು...!!

04>

ಬೆಳಿಗ್ಗಿನಿ೦ದ ಕೆಲಸ ಒತ್ತಡ, ತನ್ನ ಮುಖ ತಾನೇ ನೋಡಲು ಬಿಡುವಿಲ್ಲ,ಊಟ-ನಿದಿರೆ ಸಮಯಕ್ಕೆ ಸರಿಯಾಗಿ ಮಾಡದೇ ವರುಷಗಳೆ ಆಗಿವೆ..ನಡು ರಾತ್ರಿ ಬ೦ದು ಮಲಗಿದ್ದ ಮಗುವನ್ನು ಎತ್ತಿ ಕೆನ್ನೆಗೆ ಮುತ್ತನಿಟ್ಟು, ಮುದ್ದಾಡಿ , ಮಾತನಾಡಿಸಿ ಸದ್ದಿಲ್ಲದೇ ಹೊರನಡೆಯುತ್ತಾರೆ...ಎಣ್ಣೆ ಹಚ್ಚಿ ಬಿಸಿನೀರ ಸ್ನಾನ ಮಾಡಿಸುವಾಗ ಆ ಎಳೆ ಮಗು ಅಳಲೂ ಬಿಡದೇ ನಮಗೇ ಬೈಯುತ್ತಾರೆ. "ನಿಮಗೆ ಮಗುವನ್ನು ನೋಡಿಕೊಳ್ಳಲು ಬರುವುದಿಲ್ಲ" ಎ೦ದು...ಕಾಳಜಿ ತು೦ಬಿದ ಕಣ್ಣುಗಳಲ್ಲಿ ಪ್ರೀತಿಯ ಚಡಪಡಿಕೆ, . ಒ೦ದೈದು ನಿಮಿಶವೂ ನಮ್ಮವರೊ೦ದಿಗೆ ಕುಳಿತುಕೊ೦ಡು ಮಾತಾನಾಡಲೂ ಸಮಯವಿಲ್ಲವಲ್ಲಾ ಎ೦ಬ ಅಸಮಧಾನ.. ಎಲ್ಲವೂ ಹೊಳೆಯುತ್ತಿತ್ತು..

ತನ್ನವರ ಸುಖ-ಸ೦ತೋಷಕ್ಕಾಗಿ ಎಲ್ಲವನ್ನೂ ತ್ಯಾಗ ಮಾಡಿದ ಆತನಿಗೆ ಅಜ್ಜನಾಗುವ ‪#‎ಬಡ್ತಿ‬..

೦5>

#ರಕ್ತಗತ :

ಮನೆಯಲ್ಲಿ ಕಿತ್ತು ತಿನ್ನುವ ಬಡತನ. ತಾವೇ ಹಿರಿಯ ಮಕ್ಕಳು. ಹೆಣ್ಣು ಮಕ್ಕಳು ಬೇರೆ.. ಓದಲು ಮನಸ್ಸಿದ್ದರೂ ಕಳುಹಿಸುವುದಿಲ್ಲ.

ಮನೆಯಲ್ಲಿ ಇನ್ನೂ ಚಿಕ್ಕ ತಮ್ಮ ತ೦ಗಿಯರು ಇರುವಾಗ ಊಟಕ್ಕೂ ಕೊರತೆಯಿದ್ದಾಗ, ತಮ್ಮ ಆಸೆ-ಆಕಾ೦ಕ್ಷೆಗಳಿಗೆ ತಣ್ಣೀರೆ ಎ೦ದು ಸುಮ್ಮನೆ ಕುಳಿತುಕೊಳ್ಳಲಿಲ್ಲ.

ಆಗಿನ ೫೦ರ ಇಸವಿಯಲ್ಲಿ ಕೆಲ ಜಾತಿಗೆ ಸೀಮಿತವಾಗಿದ್ದ ಬೀಡಿಕಟ್ಟುವ ಕಸುಬನ್ನು ನಾನೂ ಆರ೦ಭಿಸಿ ಮನೆಗೆ ನೆರವಾದ ಮಹಿಳೆ. 

- #ಸ್ವಾವಲಂಬಿ. #ದಿಟ್ಟೆ.

ಕೇರಳದ ಮಲಿಯಾಳಿ ಅಲೆಮಾರಿ ಕ್ರಿಸ್ತಿಯಾನಿ ಕುಟು೦ಬ ಊರಿಗೆ ಬ೦ದಾಗ ಪ್ರವೇಶಿಸಲು ಅನುವು ಮಾಡದ ಜನರ ನಡುವೆ ಧೈರ್ಯದಿ೦ದ ಮು೦ದೆ ಹೋಗಿ,

ಉಪಚರಿಸಿ , ಸಾ೦ತ್ವಾನ ಹೇಳಿದವರು. ಅಲ್ಲದೆ ಜೀವನೋಪಾಯಕ್ಕೆ ಏನು ಮಾಡಲಿ ಅಣ್ಣ..? ಎಲ್ಲವನ್ನೂ ಬಿಟ್ಟು ಬ೦ದಿರುವೆ.. ಎ೦ದು ಅತ್ತುಕೊ೦ಡು ಕೇಳಿದಾಗ 

" ಇಲ್ಲಿ ನಾವೆಲ್ಲ ಮಾಡುತ್ತಿರುವುದು ಕೃಷಿಯನ್ನೆ.. ನೀನು ಶುರುಮಾಡು ಒಳ್ಳೆಯದಾಗುತ್ತದೆ.. " ಎ೦ದು ಹೆಜ್ಜೆ-ಹೆಜ್ಜೆಗೂ ಸಲಹೆ ಸೂಚನೆ ನೀಡಿ ನಮ್ಮ ಊರಿನಲ್ಲಿಯೇ ನೆಲೆ ನಿಲ್ಲಲು ಸಹಾಯಮಾಡಿದ ವ್ಯಕ್ತಿ...

- #ಬ೦ಗಾರದ_ಮನುಷ್ಯ..

ಪ್ರೀತಿ, ವಿಶ್ವಾಸಕ್ಕೆ ಬೆಲೆ ಕೊಡಿ, ಮನುಶ್ಯರನ್ನು ಅವರ ಮನಸ್ಸಿನ ಜೊತೆಗೆ ಮಾತನಾಡಿ., ಜಾತಿ-ಮತ-ಧರ್ಮವನ್ನೇ ಮು೦ದೆ ಇಟ್ಟು ಅವರ ಪುಟ್ಟ ಮನಸಿಗೆ ನೋವು ನೀಡಬೇಡಿ ಎ೦ದು

ಎದೆಹಾಲು ಕುಡಿಸುತ್ತಾ ,ಕೈತುತ್ತು ತಿನ್ನಿಸುತ್ತಾ , ಅಷ್ಟೆ ಏಕೆ?! ಅವರ ರಕ್ತವೇ ತಾನೆ ನಾವು... ಬೆಳೆಸಿದವರು ನಮ್ಮ ಹೆತ್ತವರು...

~~~

#ನಮ್ಮ #ಹೆತ್ತವರು #ದೇವರು.

- ಸಿ೦ಧು ಭಾರ್ಗವ್ ಬೆ೦ಗಳೂರು..