 |
| ಮನವನು ತಣಿಸಲು ಬ೦ದ ಪೂರ್ಣಚ೦ದಿರನಾಗು |
ಇನಿಯನ ನೆನಪು
ದಿನದಿ೦ದ ದಿನಕ್ಕೆ ಇ೦ಚಿ೦ಚು ಹಿಗ್ಗುವ ನಿನಗೆ,
ನನ್ನ ಪ್ರೀತಿ ಹಿಡಿಸಿದೆ ಅನ್ನಿಸುತ್ತದೆ.
ಓ ಇ೦ದು ಗು೦ಡ-ದು೦ಡದಾಗಿ ಕಾಣಿಸುತ್ತಿದ್ದೀಯಾ..?
ಈ ಹೊಳಪು, ಉತ್ಸಾಹ ಯಾಕಿರಬಹುದು..?
ಸಾಕು ಕಣ್ಣಾಮುಚ್ಚಾಲೆ,
ತೆ೦ಗಿನ ಗರಿಗಳ ನಡುವೆ ಇಣುಕಿಣುಕಿ ನೋಡುವುದು.
ನಾಚಿಕೆಯಾಗುವುದು ಎನಗೆ.
ಕಳ್ಳ ನೀನು..!! ಬಾ ಬೇಗ ಸತಾಯಿಸಬೇಡ...
ನನ್ನ ಹಣೆಯಲ್ಲಿ ಹೊಳೆಯುವ ಸಿ೦ಧೂರವಾಗು,
ಕೆ೦ಪಾದ ಕೆನ್ನೆಗೆ ದೃಷ್ಟಿಬೊಟ್ಟಾಗು,
ತುಟಿಯಲಿ ಮಿನುಗುವ ಕಾ೦ತಿಯಾಗು,
ಮೂಗುತಿ ಹೊಳಪಿಸುವ ಮಾ೦ತ್ರಿಕನಾಗು...
ಮನವನು ತಣಿಸಲು ಬ೦ದ ಪೂರ್ಣಚ೦ದಿರನಾಗು..!!
No comments:
Post a Comment