ಓ ನಲ್ಲ,
ಕಟ್ಟುವೆಯಾ ನನ್ನ ಕಾಲಿಗೆ ಬೆಳ್ಳಿಗೆಜ್ಜೆ,
ಹುಲ್ಲು ಹಾಸಿನಲಿ ನಡೆವ ಎರಡು ಹೆಜ್ಜೆ,
ಆಗಲಿ ಬಿಡು
ಮಧುರ ದನಿಗೆ ಲೋಕ ಮರೆಯುವ ಸ೦ಜೆ..!!
ಓ ನಲ್ಲ,
ನೀ ಸನಿಹ ಬ೦ದರೆ,
ನಯನಗಳು ನಾಚುವುದು,
ಅದರ ಕುಣಿಯುವುದು,
ಎದೆಬಡಿತ ಏರುವುದು...
ಯಾಕ೦ತ ತಿಳಿಸು..!!
ಓ ನಲ್ಲ,
ಸತಾಯಿಸಲೂ, ಸಾಯಿಸಲೂ
ಯಾರಾದರೂ ಒಬ್ಬ ಬೇಕ೦ತೆ,
ನೋಡೀಗ, ಏನು ಮಾಡುವುದು ಹೇಳು..?
ನಿನ್ನ ವಿರಹ ಸಾಯಿಸುತ್ತಿದೆ,
ನಿನ್ನ ನೆನಪು ಸತಾಯಿಸುತ್ತಿದೆ..!!
ಓ ನಲ್ಲ,
ಮನಸಲೂ ನೀನೆ,
ಉಸಿರಲೂ ನೀನೇ,
ನಯನದಲೂ ನೀನೇ,
ಎಲ್ಲವೂ ನೀನು ಜೊತೆಗಿದ್ದರೇನೇ...
ಮನಸು ಭಾರವಾಗಿದೆ,
ನಯನಗಳು ಹನಿಗೂಡಿವೆ,
ಉಸಿರು ಕಟ್ಟುತಿದೆ..!!
ಓ ನಲ್ಲ,
ನೀ ನಿದ್ದೆ ಮಾಡುವುದೇ ಕಾಯುವ ನಾನು,
ಒಮ್ಮೆ ಕೆನ್ನೆ ಕಚ್ಚಿಬಿಟ್ಟರೆ ತಪ್ಪೇನು..??
No comments:
Post a Comment