ಓ ನಲ್ಲ - ನಲ್ಲನಿಗಿಡುವ ಸಣ್ಣಸಣ್ಣ ಕಚಗುಳಿ ೦೫ |
೦೧>
ಓ ನಲ್ಲ,
ನಿನ್ನ ನಗುವೇ
ಬೆಳಿಗ್ಗಿನ ಇಡ್ಲಿ-ವಡಾ..
ನಿನ್ನ ಮಾತೇ
ಬೆರೆಸಿದ ಮಜ್ಜಿಗೆ ಕೊಡಾ..
ನನಗೆ ಬಿಟ್ಟು ಬೇರೆ ಯಾರಿಗೂ
ಕೊಡಬೇಡ ಪ್ರೀತಿ_ಕಡಾ..!!
ಓ ನಲ್ಲ,
ಹೆತ್ತವರ ಪ್ರೀತಿಗೆ
ಸರಿಸಾಟಿಯಿಲ್ಲ,
ಜೊತೆಗೆ, ನಿನ್ನ ಪ್ರೀತಿಗೂ
ಎರಡು ಮಾತಿಲ್ಲ...
ಓಹೋ,
ನಾನೆಷ್ಟು ಅದೃಷ್ಟವ೦ತೆ ಅಲ್ವಾ..!!
ಓ ನಲ್ಲ,
ಪ್ರೀತಿ ಎ೦ಬುದು
ಬಿಸಿ ಕಾಫಿಯ೦ತೆ,
ತಣಿಯುವುದೊರೊಳಗೆ ಕುಡಿದುಬಿಡು...
ಪ್ರೇಮವೆ೦ಬುದು
ಚಟ್ನಿ ಜೊತೆಗಿನ ಬಜ್ಜಿಯ೦ತೆ,
ಆರುವುದೊರೊಳಗೆ
ತಿ೦ದುಬಿಡು...!!
ಓ ನಲ್ಲ,
ಭುವಿಯಲೂ ನೀನೆ
ಬಾನಲೂ ನೀನೆ
ನಡುವೆ
ನಿನ್ನ ಪ್ರೀತಿಯಲಿ
ತೇಲುವ ಗಾಳಿಯು ನಾನೇ...!!
ಓ ನಲ್ಲ,
ಹಾರುವ ಹಕ್ಕಿಗೆ ರೆಕ್ಕೆಬೇಕು,
ಈಜುವ ಮೀನಿಗೂ ರೆಕ್ಕೆಬೇಕು,
ನನ್ನ ಜೀವನಕೆ ನೀನೇ ರೆಕ್ಕೆಯಾಗಬೇಕು...
" ಜೀವಕೆ ನಾಯಕ-ಜೀವನಕೆ ನಾವಿಕ "
No comments:
Post a Comment