(@@@)
ಈಗೀಗ ನಿದಿರೆಯೂ ಇಲ್ಲ,
ನೀರು ಬೇಕಿಲ್ಲ,
ಹೂವನು ನೋಡಿ ನಗುತಿರುವೆ,
ರೆಕ್ಕೆಯ ಸಾಲವ ಪಡೆದಿರುವೆ,ಅಬ್ಬಬ್ಬಾ ಈ ಸೆಳೆತವೂ ಹಿತವಾಗಿದೆ..
ಒಲವಾಗಿದೆ ಎಂಬ ಸೂಚನೆ ಇದೆ..!!
**
ಎದೆಬಡಿತ ಅತಿಯಾಗಿದೆ,
ಸನಿಹದಲಿ ಬಂದು ನಿಂತಿರಬಹುದು..
ರೆಪ್ಪೆಗಳು ಮಾತನಾಡುತಿವೆ,
ಅವನ ನೆರಳು ಸುಳಿದಿದೆ ಎಂದು...
*
ಕಾಲ್ಗಳಂತು ನಿಲ್ಲದಾಗಿದೆ,
ಓಡೋಡಿ ಅವನ ಸೇರಬೇಕೆಂದು...
ಗಾಳಿಯು ತಿಳಿಸಿಹೋಯಿತು
ಅವನು ಬರುವ ಸೂಚನೆಯೊಂದು...
*
ಕಾಯುತಲಿರುವೆ ನಿನಗಾಗಿ,
ಬರುವೆಯಾ ನೀ ನನಗಾಗಿ...
ಅದೇ ನೋಟ ಅದೇ ನಗುವು ಕಾಡುತಲಿದೆ ದಿನವು..
ಎಂದು ಬರುವುದೋ ನಿನ್ನ ಕಾಣುವ ಸುದಿನವು..
ಕಾಯುತಲಿರುವೆ ನಿನಗಾಗಿ,
ಬರುವೆಯಾ ನೀ ನನಗಾಗಿ...!!
~ ಸಿಂಧುಭಾರ್ಗವ್
No comments:
Post a Comment