(@@@)
ಗೋಕುಲದಲ್ಲಿ ಸಖಿಯರ ಸೇರುತಲಿ
ನಗುತ ಹಾಡುತಲಿ , ಒಲವ ತೋರುತಲಿ
ಕೃಷ್ಣ ನ ಜೊತೆ ಸರಸವಾಡಿರಲು
ರಾಧೆಯ ಮನ ಸುಮ್ಮನಿರುವುದೇ
ತನು ಮನ ಬೆಂಕಿಯಾಗದೇ
*
ಗೋಪಿಕೆಯರ ಜೊತೆ ಕೂಡಿದರೇನು
ಕಂಡದ್ದೆಲ್ಲ ನಿಜವೇನು , ಅನುಮಾನವೇನು
ಕೃಷ್ಣನ ಮನದಲ್ಲಿ ರಾಧೆಯೇ ತುಂಬಿರಲು
ಸಖಿಯರಲ್ಲಿ ರಾಧೆಯನ್ನು ಕಂಡಿರಲು
ನೊಂದಳೇ ರಾಧೆ , ಕೃಷ್ಣ ನ ಅರಿಯದೇ...?
ಸುತ್ತಿರಲು ಸಖಿಯರು ಅತ್ತ , ಇತ್ತ
ರಾಧೆಯ ಮನವು ಕೃಷ್ಣನ ನೆನೆಯುತ್ತ
ಮರೆವನೇನೋ ಎಂಬ ಭಯದಿ ,
ಕೂತಳು ರಾಧೆಯು ಚಿಂತಿಸುತ್ತ
ನಕ್ಷತ್ರ ಗಳ ನಡುವೆ ಚಂದ್ರ ನಂತೆ
ಸಖಿಯರ ನಡುವೆ ರಾಧೆ ನೀನಂತೆ
ಹಿಂದು , ಮುಂದು ಅರಿಯದೇ
ಅಪವಾದಿಸಿದಳೇ ರಾಧೆ
ಗೋಪಿಯರು ಬಂದು ಹೋಗುವರು
ರಾಧೆಯನ್ನು ಹೋಲುವರೇ ಅವರು?
ಹಗಲೆನ್ನದೆ , ಇರುಳೆನ್ನದೆ ಕೃಷ್ಣ ನ
ಎದೆಯ ಕನವರಿಕೆಗಳು ರಾಧೆಯದೆ
ಕೃಷ್ಣನ ಕಮಲದಂತ ಕಾಂತಿ
ಕಸಿದುಕೊಳ್ಳುವರೆಂದು ಭೀತಿ
ಸಖಿಯರ ಮೋಹಕ ಸೆಳೆತ
ನಲ್ಲನ ಸೆರೆಮಾಡಿತೆಂದು
ರಾಧೆಯ ಎದೆಯ ಮಿಡಿತ
ಗೋಪಿಕೆಯರ ಸಂಗದಲ್ಲಿ
ನೆನಪು ಮರೆಯಾಗದಿರಲಿ
ಬೇಡಿದಳು ರಾಧೆ , ಕೃಷ್ಣ ನಲ್ಲಿ
ಕೃಷ್ಣ ನು ತಬ್ಬಿ ಬರವಸೆ ಇತ್ತನು
ರಾಧೆಗೆ ಕಣ್ಣು ಗಳಲ್ಲಿ....
(@@@)
No comments:
Post a Comment