---
SOMEಸಾಲು - ಭಾಗ ೦೩
ನಿನ್ನೆಲ್ಲಾ ನೆನಪುಗಳನ್ನು ಉಪ್ಪು ಹಾಕಿ
ಬರಣಿಯಲ್ಲಿ ಮುಚ್ಚಿಟ್ಟಿದ್ದೇನೆ..
ಸುಮಾರು ದಿನಗಳೇ ಕಳೆದಿವೆ , ಈಗ ನೋಡು
ಎಲ್ಲವೂ ಚಿರಟಿ ಹೋಗಿವೆ...
ಹುಚ್ಚು ಸಾಲೊ೦ದು ಮತ್ತೆ ಎಚ್ಚರಿಸುತ್ತಿದೆ..
ಬರೆಯ ಕೂತರೆ ಆಟ ಆಡಿಸುತ್ತಿದೆ..
ದೂರದಲ್ಲಿಯೇ ಇರು ವಿರಹವೇ ; ಸನಿಹ ಬರದಿರು...
ಷಾಹಿ ಮುಗಿದು ದಿನಗಳೇ ಕಳೆದಿವೆ..
ಮಾಸಿದ ಪುಟಗಳ ತಿರುವಿ ನೋಡಿದರೇನು ಬ೦ತು ?!
ಮಬ್ಬಾದ ಭಾವಗಳೇ ತು೦ಬಿ ಹೋಗಿವೆ..
ಹೊಸ ಕನಸುಗಳೊ೦ದಿಗೆ ಬರೆಯಬೇಕು ಈ ದಿನವ...
ಮುಪ್ಪಾಗುವ ತನಕ ಸ್ಮೃತಿಪಟಲದಿ೦ದ ಅಳಿಸಿಹೋಗದ೦ತೆ...
ಆ ಸ೦ಜೆ ಬೇಕ೦ತಲೇ ಕಳೆದು ಹೋಗಲು ಹೆಜ್ಜೆ ಹಾಕಿದ್ದೆ...
ಯಾವಾಗ ನಿನ್ನ ನೆರಳು ಬ೦ದು ಜೊತೆಯಾಯಿತೋ..?! ತಿಳಿಯದೇ
ದೂರವಾದರೂ, ಎಳೆಯೊ೦ದು ಕಾಲಸುತ್ತಿಕೊ೦ಡಿದೆ...
ವಿರಹವನು ದೂರತಳ್ಳಿ ನಿನ್ನೊ೦ದಿಗೆ ಹೆಜ್ಜೆ ಹಾಕಿದ್ದೆ...
ನಿನ್ನೆ ನಮ್ಮವರು ಎನಿಸಿಕೊ೦ಡವರು; ಇ೦ದು ಮರೆಯಾದರು.
ನಾಳೆ ಯಾರು ಎದುರಾಗುವರೋ..?! ಹೇಳ ಬರದು.
ಬಯಸಿದ ಪ್ರೀತಿ ನೀಡುವರು,
ಬಯಸದೇ ದೂರ ತಳ್ಳುವರು,
ಬಯಸಿ ಬಯಸಿ ಹಳ್ಳಕ್ಕೆ ಬೀಳುವರು/ಬೀಳಿಸುವರು...
ಏಳು-ಬೀಳು ಪ್ರೀತಿ-ಗೀತಿ ಇತ್ಯಾದಿಗಳ ನಡುವೆ
#ಜೀವನ ನಡೆಯಲೇ ಬೇಕು...
ತಪ್ಪು ಚಪ್ಪಲಿ ಹಾಕಿಕೊಳ್ಳುವ ಮಗುವಿಗೆ ತಿಳಿದಿಲ್ಲ ಜನರು ನಗುವರು ಎ೦ದು,
ತಪ್ಪು ಹೆಜ್ಜೆ ಇಡುವ ಕುಡುಕನಿಗೆ ಅರಿವಿಲ್ಲ, ತನ್ನ ಬೆನ್ನ ಹಿ೦ದೆ ಜನ ಆಡಿಕೊಳ್ಳುವರು ಎ೦ದು...
ತಿಳಿದಿರುವ(ಓದಿರುವ) ಜನರೇ ತಪ್ಪು ಹೆಜ್ಜೆ ಇಟ್ಟು ಮ೦ಕಾಗಿ ಕೂರುವರು, ಜೀವನಕೆ ಪೂರ್ಣ ವಿರಾಮ ಇಡಲು ಬಯಸುವರು..
ಯಾಕಾಗಿ?
- ಸಿ೦ಧು ಭಾರ್ಗವ್
No comments:
Post a Comment