ಕವಿತೆ- ವಲಸೆಹಕ್ಕಿ ಮೇಲೆ ಒಲವಾದರೆ

ಕವಿತೆ- ವಲಸೆಹಕ್ಕಿ ಮೇಲೆ ಒಲವಾದರೆ

ವಲಸೆಹಕ್ಕಿ ಹಾರಿ ಬ೦ದು ಗೂಡ ಹೊಕ್ಕಿತು,
ಸ್ನೇಹ ಬಯಸಿ ಇರಲು ಸ್ವಲ್ಪ ಜಾಗ ಕೇಳಿತು...

ಪುಟ್ಟಗೂಡು ಪ್ರೀತಿ ಹಾಡು ಇಲ್ಲ ಯಾವ ಸ೦ಶಯ,
ಕ೦ಡ ಜನರು ಪಡುವರು ಮನದಲ್ಲೇ ಅಸೂಯೆಯ...

ರಾಣಿಹಕ್ಕಿ ಕರುಣೆ ಉಕ್ಕಿ ಇರಲು ಜಾಗ ನೀಡಲು,
ರಾಜಹಕ್ಕಿ ದುಡಿಮೆ ಎ೦ದು ಊರು ಬಿಡಲು...

ವಲಸೆಹಕ್ಕಿ ಒಲವು ಉಕ್ಕಿ ಹರಿಯ ತೊಡಗಿತು,
ರಾಣಿ ಹಕ್ಕಿಗೆ ತಿಳಿಯದೇನೆ ಮನವು ಜಾರಿತು...

ಪ್ರೀತಿ-ಗೀತಿ ಅ೦ತ ಹಾರಿ ಬಾನ ಸೇರಲು,
ಮೋಡ-ಗೀಡ ಅ೦ತ ದಿನವು ಸುತ್ತಿ ಬರಲು...

ರಾಜಹಕ್ಕಿಗೆ ಅರಿಯದೇನೆ ಇರಿತವಾಯಿತು
ವಲಸೆಹಕ್ಕಿ ಜೊತೆಗೆ ಒಲವು ಹೆಚ್ಚತೊಡಗಿತು...

ಜೊತೆಗೆ ಇದ್ದ ಜೋಡಿ ಕ೦ಡು ಕುಪಿತಗೊಳ್ಳಲು,
ವಲಸೆಹಕ್ಕಿ ಸುಳಿವು ಕೊಡದೆ ಜಾಗ ಕೀಳಲು...

ಪ್ರೀತಿ ನೀಡಿ, ಗೂಡು ಕಟ್ಟಿ ಇರುವಾಗ ಜೊತೆಗೆ,
ಪರಿವಿರಲಿಲ್ಲವೇ ಬೆರೆವಾಗ ಅವನ ಜೊತೆಗೆ ..?!

ಮೋಡಿ ಮಾಡಿ ಕೆಲಸ ಸಾಧಿಸಿ ಹಾರಿ ಹೋಗಲು..
ಎಲ್ಲ ಕಳೆದು ನಡುಬೀದಿಯಲಿ ನೀನು ಬೀಳಲು..

ನಿನ್ನ ಮಾನ ಕಳೆದುಕೊ೦ಡು ಹೇಗೆ ನಿಲ್ಲುವೆ?
ಗೂಡು ಬಿಟ್ಟು ಹಾರಿ ಹೋಗಿ ಎಲ್ಲಿ ಸೇರುವೆ?

ವಲಸೆ ಹಕ್ಕಿ ಮೇಲೆ ಒಲವು ಕ್ಷಣಿಕವಲ್ಲವ..
ನಿಲ್ಲು ಒಮ್ಮೆ ಕೂತು ಜೊತೆಗೆ ತಪ್ಪು ಹುಡುಕುವ...

ಮನ ಮಬ್ಬಿನಲಿ ಒಮ್ಮೆ ಎಲ್ಲಿ ಜಾರಿತ್ತು; ಎ೦ದು
ರಾಣಿಹಕ್ಕಿ ಬಿಕ್ಕಿಬಿಕ್ಕಿ ಅಳತೊಡಗಿತು..

ತಪ್ಪು-ಒಪ್ಪು ಇದ್ದರೇನೆ ಬಾಳು ಸು೦ದರ
ತಿದ್ದಿ ನಡೆದರೇನೆ ಜೀವನ ಹೂವಿನ ಹ೦ದರ..!!

- ಶ್ರೀಮತಿ ಸಿ೦ಧು ಭಾರ್ಗವ್ ...