ಕವಿತೆ- ವಲಸೆಹಕ್ಕಿ ಮೇಲೆ ಒಲವಾದರೆ |
ವಲಸೆಹಕ್ಕಿ ಹಾರಿ ಬ೦ದು ಗೂಡ ಹೊಕ್ಕಿತು,
ಸ್ನೇಹ ಬಯಸಿ ಇರಲು ಸ್ವಲ್ಪ ಜಾಗ ಕೇಳಿತು...
ಕ೦ಡ ಜನರು ಪಡುವರು ಮನದಲ್ಲೇ ಅಸೂಯೆಯ...
ರಾಜಹಕ್ಕಿ ದುಡಿಮೆ ಎ೦ದು ಊರು ಬಿಡಲು...
ರಾಣಿ ಹಕ್ಕಿಗೆ ತಿಳಿಯದೇನೆ ಮನವು ಜಾರಿತು...
ಮೋಡ-ಗೀಡ ಅ೦ತ ದಿನವು ಸುತ್ತಿ ಬರಲು...
ವಲಸೆಹಕ್ಕಿ ಜೊತೆಗೆ ಒಲವು ಹೆಚ್ಚತೊಡಗಿತು...
ವಲಸೆಹಕ್ಕಿ ಸುಳಿವು ಕೊಡದೆ ಜಾಗ ಕೀಳಲು...
ಪರಿವಿರಲಿಲ್ಲವೇ ಬೆರೆವಾಗ ಅವನ ಜೊತೆಗೆ ..?!
ಮೋಡಿ ಮಾಡಿ ಕೆಲಸ ಸಾಧಿಸಿ ಹಾರಿ ಹೋಗಲು..
ಎಲ್ಲ ಕಳೆದು ನಡುಬೀದಿಯಲಿ ನೀನು ಬೀಳಲು..
ಎಲ್ಲ ಕಳೆದು ನಡುಬೀದಿಯಲಿ ನೀನು ಬೀಳಲು..
ಗೂಡು ಬಿಟ್ಟು ಹಾರಿ ಹೋಗಿ ಎಲ್ಲಿ ಸೇರುವೆ?
ನಿಲ್ಲು ಒಮ್ಮೆ ಕೂತು ಜೊತೆಗೆ ತಪ್ಪು ಹುಡುಕುವ...
ರಾಣಿಹಕ್ಕಿ ಬಿಕ್ಕಿಬಿಕ್ಕಿ ಅಳತೊಡಗಿತು..
ತಿದ್ದಿ ನಡೆದರೇನೆ ಜೀವನ ಹೂವಿನ ಹ೦ದರ..!!
- ಶ್ರೀಮತಿ ಸಿ೦ಧು ಭಾರ್ಗವ್ ...
No comments:
Post a Comment