ಕವಿತೆ - ಪರಿಪೂರ್ಣತೆಯ ಅರ್ಥ ಹುಡುಕುತ...

ಕವಿತೆ - ಪರಿಪೂರ್ಣತೆಯ ಅರ್ಥ ಹುಡುಕುತ

(@)(
ನಗುವ ನಯನಗಳು ಬೆರೆತರೇ ಪರಿಪೂರ್ಣ
ಓ ಮನವೇ ಕಡಲಾಗಿರು, ಅಲೆಯಾಗುವೆ..!!

ಪದಗಳ ಭಾವವು ಬೆರೆತರೆ ಪರಿಪೂರ್ಣ
ಓ ಮನವೇ ಮುಗಿಲಾಗಿರು, ಮೋಡವಾಗುವೆ..!!

ಜಾತಿಮತವ ತೊರೆದ ಪ್ರೀತಿಯೇ ಅರ್ಥಪೂರ್ಣ
ಓ ಮನವೇ ಭುವಿಯಾಗಿರು, ತೊರೆಯಾಗುವೆ..!!

ಸ್ನೇಹಿತರ ಕಿರುಬೆರಳು ಬೆಸೆದಿದ್ದರೇನೆ ಪರಿಪೂರ್ಣ
ಓ ಮನವೇ ತ೦ಪಾಗಿರು, ಸಾಲುಮರವಾಗುವೆ..!!

ಮಿಡಿವ ಹೃದಯಗಳು ಬೆರೆತರೇ ಪರಿಪೂರ್ಣ
ಓ ಮನವೇ ಮಳೆಯಾಗಿರು, ನವಿಲಾಗುವೆ..!!

ಹ೦ಗಿಲ್ಲದ ಕನಸುಗಳು ಬೆರೆತರೇ ಪರಿಪೂರ್ಣ
ಓ ಮನವೇ ಉಸಿರಾಗಿರು, ಹಸಿರಾಗುವೆ..!!

ಕವಿಗಳ ಮನವು ಬೆರೆತರೇ ಅರ್ಥಪೂರ್ಣ
ಓ ಮನವೇ ಕಾವ್ಯವಾಗಿರು, ಪದಗಳಾಗುವೆ..!!

ಬಡವ, ಸಿರಿತನದ ಗಡಿ ತೊರೆದರೇನೆ ಅರ್ಥಪೂರ್ಣ
ಓ ಮನವೇ ಸುಖಿಯಾಗಿರು, ಜೀವಿಸುವೆ..!!

- ಶ್ರೀಮತಿ ಸಿ೦ಧು ಭಾರ್ಗವ್ ...