ನ್ಯಾನೋ ಕಥೆಗಳು

ಸಣ್ಣ ಪುಟ್ಟ ಕಥೆ : (ನ್ಯಾನೋ ಕಥೆಗಳು)
*
#ದಗೆ_ಬಿಡುತ್ತಾ ಓಡೋಡಿ ಬಂದು ತಿಳಿನೀರಿನಲ್ಲಿ ನೀರುಕುಡಿಯಲು ಬಾಯಿಕೊಟ್ಟ ಮರಿಮೇಕೆಗೆ ,ನೀರಿನಲ್ಲಿ ತನ್ನ ನೆರಳು ನೋಡಿಯೇ ಭಯವಾಯಿತು. ಕಾರಣ ತಾಯಿಮೇಕೆಯನ್ನು ಈಗಷ್ಟೆ ಕಟುಕ ಸಾವಿನ ದಾರಿ ತೋರಿಸಿದ್ದ..

**
#ಪಿಕವೊಂದು ಹಾಡುವುದ ಕಂಡು ಕಾಕಮರಿಗೆ ಮತ್ಸರ.
ತಾನೂ ಕಡಿಮೆಯೇನಿಲ್ಲವೆಂದು ಹಾಡಲು ಶುರುಮಾಡಿ ಜನರಿಂದ  ಬೈಸಿಕೊಂಡಿತು..

***
#ಅವನನ್ನು ಬಹಳ ಚಿಕ್ಕವಯಸ್ಸಿನಿಂದಲೇ
ಧರ್ಮ-ಕರ್ಮವೆಂದು ಕಲೆಸಿ ಕಟ್ಟಿದ ಗೋಡೆಗೆ ಮೊಳೆಹೊಡೆದು ತೂಗುಹಾಕಿದ್ದಾರೆ..

****
#ತನ್ನ_ಮನೆಯ ಮಲ್ಲಿಗೆ ತೋಟಕೆ ಬಾಯಿಹಾಕಿದ ಹಸುವಿನ ಕರುವಿಗೆ ಬಾಸುಂಡೆ ಬರುವ ಹಾಗೆ ಹೊಡೆದ ಗೃಹಿಣಿ, ಅದೇ ಹಸುವಿನ ಹಾಲನ್ನು ತನ್ನ ಬಾಣಂತಿ ಮಗಳಿಗಾಗಿ ಬೇಡಿ ತರುತ್ತಿದ್ದಾಳೆ..

*****
#ಸಂಪನ ಸಂಪತ್ತು ಹೇರಳವಾಗಿದ್ದರೂ/ಇಲ್ಲದಿದ್ದರೂ,
ದೋಸೆಗೆ ಚಟ್ನಿಯಂತೆ ಇಲ್ಲಾ ಭರಣಿಯ‌ ಉಪ್ಪಿನಕಾಯಿಯಂತೆ ನೆಂಚಿ ತಿನ್ನುವ ಮಲ್ಲಿಗೆ ಸುಖವಾಗಿದ್ದಾಳೆ...

#ಸಂಪನ_ಮನದರಸಿ_ಮಲ್ಲಿ...

#ಸಿಂಧುಭಾರ್ಗವ್. 🍁