ಹಾಡು: ತವರು ಮನೆಯಲಿ ಗೆಳತಿ

.

‌ಹಾಡು : ತವರು ಮನೆಯಲಿ ಗೆಳತಿ

ಊರಿಗೆ ಹೊರಟಳು ನನ್ನ ಗೆಳತಿ ಊರಿಗೆ ಹೊರಟಳು..
ತವರು ಮನೆಕಡೆ ಇಣುಕಿ ಬಾ ಎಂದು ಹೇಳಿದೆನು..

ಕಮಾನು ಕಟ್ಟಿದ ಮಿಠಾಯಿ ಹೂವು ಸ್ವಾಗತ ಕೋರಿತ್ತು ||೨||
ಅಂಗಳದಲ್ಲಿನ ರಂಗವಲ್ಲಿ ನಗುತ ನಿಂತಿತ್ತು..

ಸಗಣಿ ಸಾರಿಸಿ ಒಳ ನಡೆದಿದ್ದ ಅಮ್ಮನ ನೋಡಿದಳು||೨||
ನೆಂಟರು ಬಂದರು ನಿಮ್ಮ‌ ಮನೆಗೆ ಎಂದು ಕೂಗಿದಳು..
ನಿಮ್ಮ ಮಗಳ ಸ್ನೇಹಿತೆ ಎಂದಳು..

ಅಮ್ಮನು ತಿರುಗಿ ನೋಡಿ ಒಮ್ಮೆ  ನಗುವ ಬೀರಿದರು..||೨||
ಬನ್ನಿ ಕುಳಿತುಕೊಳ್ಳಿ ಎಂದು ಕುಡಿಯಲು ನೀಡಿದರು..

ದಣಿದ ದೇಹಕೆ ನೀರನು ಇಳಿಸಿ ಮಾತಿಗೆ ಕೂತರು..||೨||
ನಗುಮೊಗದ ಹೆತ್ತವರ ನೋಡಿ ಖುಷಿಯ ಪಟ್ಟಳು..

ಮಗಳ ಬಗೆಗೆ ಕೇಳಿ ತಿಳಿದುಕೊಳ್ಳುವ ಆತುರವೂ..||೨||
ಹೊಂದಿಕೊಂಡು ಹೋಗುತ್ತಿರುವಳೇ? ಎಂಬ ಕಾತುರವು..

ಅವರ ಜೀವನ ಹಾಲು ಜೇನು ಚೆನ್ನಾಗಿದೆಯಮ್ಮ..||೨||
ದೂರದಲ್ಲಿ ಇರುವ ನಿಮಗೆ ಬೇಡ ಭಯವಮ್ಮ..

ಗೆಳತಿ ಮಾತ ಕೇಳಿ ತಾಯಿ ಮನವು ತಣಿಯಿತು..||೨||
ಹೊಟ್ಟೆ ತುಂಬಾ ಊಟ ಬಡಿಸಿ ವಂದನೆ ಹೇಳಿತು.
ಹೆತ್ತಕರುಳು ವಂದನೆ ಹೇಳಿತು...

- ಸಿಂಧುಭಾರ್ಗವ್. 🍁