ಕವಿತೆ : ಕಾರ್ಮೋಡಗಳ ಮಿಲನ

(@)

ಕಾರ್ಮೋಡಗಳ ಮಿಲನದಿಂದ‌ ಮಳೆಬರಬಹುದೇನೋ...?!
~~~~~~~~~~~~~~~~~~~~~~~~~~~~~
ಯಾವಾಗಲೂ ನಿನ್ನೊಂದಿಗೆ
ಕಚ್ಚಾಡೋ ಆಸೆ,
ಇಂದೇಕೋ ಹುಚ್ಚು ಹೆಚ್ಚಾಗಿದೆ,
ಪ್ರೀತಿಯ ಕಿಚ್ಚು ಹಬ್ಬಿಸುವ ಮನಸಾಗಿದೆ,
ಕಚ್ಚಿ ತಿಂದ ಅರ್ಧ ಸೇಬಲಿ ರುಚಿ ಹೆಚ್ಚಿದೆ..!
*
ಸೀರೆ ನೆರಿಗೆಯ ಲೆಕ್ಕ ತಪ್ಪುತಿದೆ,
ತಂಗಾಳಿ ಮೈಯ ಆವರಿಸಿದೆ,
ಮೈಯಿಂದ ಗಂಧ ಚಿಮ್ಮುತ್ತಿದೆ,
 ಹಾಲಾಗಿ, ಹಣ್ಣಾಗಿ ನಿನ್ನ ಸೇವಿಸಬೇಕಿದೆ..!
**
ಹೂವಿನ ಹಾಸಿಗೆಯಲಿ ನಗುತೇಲುತಿದೆ,
ಬಳೆಗಳಿಗೆ ಕೆಲಸ ಕಡಿಮೆಯಾಗಿದೆ,
ಮಂದಬೆಳಕಲಿ ಜೋಡಿನೆರಳು ಕಾಣಿಸಿದೆ,
ಹಂಚಿಕೊಂಡ ಮೈಯಲ್ಲೀಗ ಬೆವರಹನಿ ಮೂಡಿದೆ..!
~~~~~~~~~~~~~~~~
😍 #ಸಿಂಧು_ಭಾರ್ಗವ್ 😍