ಹಾಯ್ಕುಗಳು

%ಹಾಯ್ಕುಗಳು%
**~~~~~~**
ಹಾರಲು ಬಯಸಿದೆ ಮನ
ರೆಕ್ಕೆ ಕಟ್ಟವರಾ ಜನ?!
ಏಳ್ಗೆ ಬಯಸದ ಮನ
ಕಾಲೆಳೆಯಲು ಕಾದಿರುವ ಜನ..!!
**
ಬಲೂನಿನಲಿ ಉಸಿರಿರಬಹುದು,
ಬಣ್ಣಬಣ್ಣದಲಿ ಜನರ ಕಣ್ಣಿರಬಹುದು,
ಮಗು ಹಠಹಿಡಿದರೆ ಮಾತ್ರ ವ್ಯಾಪಾರ...!!
**
ಸಂಗೀತ ಪ್ರೇಮಿ
 ಗಾನವ ಕೇಳುತಲೇ
ಖರ್ಚಿಲ್ಲದೆ ದೇಶ ಸುತ್ತಿದ..
**
ಲೇಖಕನ
ಲೇಖನಿಯ ಷಾಯಿ
ಓದುಗನ ಮನದಲಿ ಚೆಲ್ಲಿತ್ತು..
**
ನೃತ್ಯಗಾರ ನರ್ತಿಸುತ್ತಲೇ
 ಜನರ ಮನದಂಗಳಲಿ
ಗೆಜ್ಜೆಯೊಂದ ಬಿಟ್ಟುಹೋದ.
**
ಬಾಯಮ್ಮನ ತೋಟದ ಸಂಪಿಗೆ,
 ಕೆಲಸದಾಕೆ ಕೈಯಿಂದ
 ಭಟ್ಟರ ಮನೆ ದೇವರ ಪಟ ಸೇರಿತು..
~~~~~~~~~~~~~~~~
)( #ಸಿಂಧು_ಭಾರ್ಗವ್ )(