Kavite- Deepavali

ನನ್ನೆಲ್ಲಾ ಸಹೃದಯೀ ಮಿತ್ರರಿಗೆ ದೀಪಾವಳಿಯ ಹಾರ್ದಿಕ ಶುಭಾಶಯಗಳು.. ಈ ದೀಪಾವಳಿಯೂ ನಿಮ್ಮೆಲ್ಲರ ಮನೆಮನಗಳನ್ನು ಬೆಳಗಲಿ..
ಅಂಧಕಾರವನ್ನು - ಮೌಢ್ಯವನ್ನು  ಕಳೆದು ಹೊರಜಗತ್ತನ್ನು ಪ್ರೀತಿಯಿಂದ ನೋಡುವ ಹಾಗೆ ಆಗಲಿ..
ಶ್ರೀಲಕುಮಿ- ಶ್ರೀಹರಿಯ ಕೃಪೆ ಸದಾ ನಿಮಗೊಲಿಯಲಿ..

~ ಶ್ರೀಮತಿ ಸಿಂಧುಭಾರ್ಗವ್ ಮತ್ತು ಮನೆಯವರು..
~~~~~~~~~~~~~~~~~~~~~

)(@)(

ದೀಪಾವಳಿ ಪರ್ಬ ಮತ್ತೊಮ್ಮೆ ಬಂದಿದೆ..
ಮನೆ-ಮನಗಳಲಿ ಬೆಳಕ ತಂದಿದೆ..

ಎಣ್ಣೆ ಹಚ್ಚಲು ಗರಿಕೆಹುಲ್ಲು ಕಾದಿದೆ..
ಅಲಂಕಾರಗೊಂಡು ಹರಿಯು ನಿಂತಿದೆ..

ದೇವರಿಗೆ ತುಪ್ಪದ ದೀಪ..
ನಡುನಡುವೆ ತುಂಬಿದ ದೂಪ..

ಹೂವಿನ ಹಾರಗಳದ್ದೇ ಹಾಡು..
ಪುಟಾಣಿಗಳ ಹೊಸಬಟ್ಟೆ ನೋಡು..

ವಿವಿಧ ಖಾದ್ಯ ನೈವೇದ್ಯಕ್ಕೆ...
ನೆಂಟರು ಬರುವರು ಭೋಜನಕ್ಕೆ..

ಬಿಡುವಿರದ ಕೆಲಸ ಅಮ್ಮನಿಗೆ..
ಹೊರಗಿನ ಕೆಲಸಗಳು ಅಪ್ಪನಿಗೆ..

ಅಣ್ಣ ತಮ್ಮಂದಿರ ಪಟಾಕಿ..
ಅಕ್ಕತಂಗಿಯರ ಮಾತಿನ ಚಟಾಕಿ..

ಹಿರಿಯರ ನೆನಪಿಸುವ ಆಕಾಶಬುಟ್ಟಿ..
ಗೋಪೂಜೆಗೆ ಕಾಯುತಲಿದೆ ಹಟ್ಟಿ..

ರೈತರಿಗೆ ಬಿಡುವು ಹಸುಗಳಿಗೆ ಮೇವು
ಊರಿಡೀ ತುಂಬಿದೆ ಸಂತಸವು..

~ ಸಿಂಧುಭಾರ್ಗವ್. ಬೆಂಗಳೂರು
((ಹರಿ - ದೊಡ್ಡ ಪಾತ್ರೆ, ಹಟ್ಟಿ - ಕೊಟ್ಟಿಗೆ))