ಕವನ - ನಿನ್ನ ಒಂದು ಮಾತೇ ಸಾಕು

ನಿನ್ನ ಒಂದು ಮಾತೇ ಸಾಕು
ನನ್ನ ಮೌನ ಮುರಿಯಲು..
ನಿನ್ನ ಒಂದು ನೋಟ ಸಾಕು
ನನ್ನ ಮೈಯ ತಣಿಸಲು..

ನನ್ನ ನಿನ್ನ ಪ್ರೀತಿಯಲ್ಲಿ
ಕವನಗಳದೇ ಹಾವಳಿ..
ಸನಿಹ ವಿರಹವೆರಡು ಈಗ
ಪ್ರೀತಿಯಲಿ ಮಾಮೂಲಿ..

ಹೂವ ಹಾಸಿ ಕಾಯಿತಿರುವೆ
ನಿನ್ನ ಒಂದು ಬರುವಿಗೆ..
ಕಾದುಕುಳಿತು ಸಮಯ ಕಳೆದೆ
ನಿನ್ನ ಮತ್ತೆ ನೆನೆಯುತ..

ಹರುಷಗೊಂಡ ರವಿಯು ತಾನು
ನನ್ನ ನೋಡಿ ಕೆಂಪಾದನು..
ಪಡುಗಡಲ ಅಲೆಯಲಿ ಕಲೆತು
ಮುಳುಗಲು ಸಜ್ಜಾದನು..

ಕೈಯ ರಂಗವಲ್ಲಿ ಈಗ
ಘಮವ ಹೊತ್ತು ಸಾಗಿದೆ..
ಯಾರ ಬಳಿಗೆ ಕೇಳಿದಾಗ
 ನಿನ್ನ ಹೆಸರ ಹೇಳಿದೆ..

ಮದುವೆ ದಿಬ್ಬಣವ ಕಂಡು
ಮನವು ಹಕ್ಕಿಯಾಗಿದೆ..
ನಾಳಿನ ಜೀವನವ ಎನಿಸಿ
 ಹಣೆಯ ಬಿಂದಿ ನಕ್ಕಿದೆ..

- ಸಿಂಧುಭಾರ್ಗವ್