ಕವಿತೆ: ಜೀವನದ ಸಂತೆಯಲಿ ಮನವೊಂದು ಹುಚ್ಚು ಸಂತೆ

ಹುಣ್ಣಿಮೆಗೆ ಅದೇಕೋ ಉಕ್ಕುವುದು ಪ್ರೀತಿ
~~~~~~~~~~~~~~~~~~~~~
ಯಾವಾಗಲೂ ನಾನೇ ಮೈಮೇಲೆ
ಬಿದ್ದು ಹೋಗುವುದು.
ಅತೀ ಆಯಿತು ಎಂದರೂ ಪ್ರೀತಿ
ಮಧುರ ಅನಿಸುವುದು..
•
ಪ್ರೇಮಿಗಳ ದಿನದ ಸ್ವಾಗತಕೆ
ಕಾಯುತಿರಬಹುದು  ಹಲವರು..
ದಿನವೂ ಅದರ ಸವಿಯ
ಸವಿಯುವವರು ಕೆಲವೇ ಕೆಲವರು..
•
ಅವನಲ್ಲಿ ಕೊಂಚ ನೆನಪಿಸಿಕೊಂಡರೂ
ಬಿಕ್ಕಳಿಕೆ  ಬರುವುದು..
'ನೆನಪಿಸಿದ್ದು ಸಾಕು ಹೋಗಿ ಮಲಗು'
ಎಂದಾಗಲೇ ಕಡಿಮೆಯಾಗುವುದು...
•
ಬಿಡುವಾದಾಗೆಲ್ಲ ಮುತ್ತಿನ ಸುರಿಮಳೆ,
ಕಂತುಕಂತಾಗಿ ಸವಿಯಲಿ ಎಂದು..
ಸಗ್ಗವೇ ಕೈಗಿಡುವ ಅವನ ಪ್ರೀತಿಗೆ
ನಾನು ಋಣಿ ಎಂದೆದೂ...

- ಸಿಂಧು.