ಹಾಡು: ಓ ಜೀವವೇ ನಿನ್ನ ನೋಡುತಲೇ..

#ಓ_ಜೀವವೇ...

ನಿನ್ನ ನೋಡಿ ನೋಡಿ ಜೀವವೇ...
ನಿನ್ನ ನೋಡುತಲೇ ಜೀವಿಸುವೆ..
ನಿನ್ನ ನೋಡಿ ನೋಡಿ ಜೀವವೇ..
ನಿನ್ನ ನೋಡುತಲೇ ಸಾಯುವೆ..

ಒಂಟಿಯಾಗಿದ್ದೆ ನಾನು
ಒಣ ಹುಲ್ಲಿನಂತೆ ಮನಸ್ಸು..
ಸಿಂಚನವಾಯ್ತು ಪ್ರೀತಿಯ
ಚಿಗುರಿ ನಿಂತಿತು ಕನಸು...

ಎದೆಬಡಿತವ ಕೇಳಿಸಿಕೋ
ನಿನ್ನ ಹೆಸರೇ ಹೇಳುತಿದೆ..
ಕಂಗಳ ಒಮ್ಮೆ ಗಮನಿಸು
ನಿನ್ನ ಬಿಂಬವೇ ಕಾಣುತಿದೆ..

ಮಡಿಲಿನಲಿ‌ ಮಲಗಿಸಿ ನಿನಗೆ
ಜೋಗುಳ ಹಾಡುವಾಸೆ..
ನನ್ನ ಕನಸಿನೂರಿಗೆ ನಿನ್ನ
ಅರಸನ ಮಾಡುವಾಸೆ..

ಅನಿಸುವುದು ನನಗೆ ನೀನೇ ಅವನೆಂದು,
ದಿನವೂ ಕನಸಲಿ ಬರುವವನೆಂದು..
ಪೋಣಿಸಿಟ್ಟೆ ಎಲ್ಲಾ ಭಾವಗಳನು
ನಿನ್ನ ಕೊರಳಿಗೆ ಹಾಕಲೆಂದು..

ಪ್ರೀತಿಯ ಪರಿಯ ತಿಳಿಸಿದವ ನೀನು..
ಪ್ರತೀ ಹೆಜ್ಜೆಯನು ಸವಿದವಳು ನಾನು..
ಓ‌ ಜೀವವೇ ನಿನ್ನ ನೋಡುತಲೇ ಜೀವಿಸುವೆ..

- ಸಿಂಧುಭಾರ್ಗವ್ 🍁