ಕವನ : ಮತ್ತೆ ಬಂದಿದೆ ಹುಣ್ಣಿಮೆ

ಮತ್ತೆ ಬಂದಿದೆ ಹುಣ್ಣಿಮೆ...

ನೀನೇಕೆ‌ ಇಂದು ಬಂದೆ...
ಆ ರಾತ್ರಿ ಗಾಢ ಕತ್ತಲ ಅಮವಾಸ್ಯೆಗೆ
ನಿನ್ನ ಕಾಣದಾದಾಗ ನಾನೇಷ್ಟು ಭಯಗೊಂಡಿದ್ದೆ..
ನಾನೆಷ್ಟು ಕಳವಳ ಗೊಂಡಿದ್ದೆ..
ನಿನಗೇನಾದರೂ ತಿಳಿದಿದೆಯಾ..?
ಇಷ್ಟು ದಿನ ಬರದವನು ಇಂದು ಬಂದು
 ನನ್ನೆದುರು ಹಲ್ಲುಕಿರಿಯುತ್ತಾ ಏಕೆ ನಿಂತಿರುವೆ..?
ಹೋ ಮತ್ತೆ ನಿನ್ನ ಬೆಳದಿಂಗಳ ಕಾಂತಿಗೆ
 ಕರಗಿ ನಿನ್ನ ತೋಳಬಂಧನದಲ್ಲಿ ಸಿಲುಕುವೆ ಎನಿಸಿದೆಯಾ.?
ಇಲ್ಲ.. ನನಗೆ ತಿಳಿದಿದೆ.. ನಿನಗೆ ನಾನೀಗ ಅಷ್ಟಾಗಿ ಹಿಡಿಸುತ್ತಿಲ್ಲವೆಂದು..
ಲೋಕವೇ ಮೆ‍ಚ್ಚುವ ನಿನ್ನ, ನಾನು
ನನ್ನವನೆಂದು ಪ್ರೀತಿಸಿದ್ದೇ ತಪಾಯ್ತು..
ಓ ಅಲ್ಲಿ ನೋಡು..
ಹುಚ್ಚು ಹುಡುಗಿ ಬೆಳದಿಂಗಳ ನೋಡಿ ಕನಸ ಕಾಣಲು ಶುರು ಮಾಡಿದ್ದಾಳೆ.
ಕವನವೂ ಬರೆಯಬಹುದು..
ಅಂಗಳದಲ್ಲಿ ನಾಲ್ಕು ಹೆಜ್ಜೆ ನೃತ್ಯವೂ ಮಾಡಬಹುದು..
ಈಗ ಅವಳ ಸರದಿ.
ಮುಂಬರುವಾ ಅಮವಾಸ್ಯೆಗೆ ಅಳುತಾ ಕೂರುವ ಮುನ್ಸೂಚನೆ..
ನಿನ್ನ ಪ್ರೀತಿಸಿದವರಿಗೆಲ್ಲಾ ಇದೇ ಉಡುಗೊರೆ..
ನಿನ್ನ ಮುಕ್ತವಾಗಿ ಪ್ರೀತಿಸುತ್ತಿದ್ದ ನಾನೀಗ ಬಂಧಮುಕ್ತ...!!

- ಸಿಂಧು ಭಾರ್ಗವ್. 🍁