ಮುಗ್ಧ ಹೃದಯ - Kavite

!!... ಮುಗ್ಧ ಹೃದಯ ...!!

ಏನ ಮಾಡಹೊರಟಿರುವೆ? ಏನು ಪಡೆದಿರುವೆ?

ಏನ ಹುಡುಕುತಿರುವೆ? ಏನು ಕಳೆದಿರುವೆ?

ನಮ್ಮವರು ಎಣಿಸಿದರೂ ,

ಅಪರಿಚಿತರಾಗೆ ಉಳಿಯುವರು...

ಅಪರಿಚಿತರು ಎ೦ದೆಣಿಸಿದರೂ,

ಕೆಲವೊಮ್ಮೆ ಆಪ್ತರಾಗುವರು...

ಪ್ರೀತಿಯ ರಥಬೀದಿಯಲಿ

ಅಲ್ಲಲ್ಲಿ ಮನಸುಗಳ ಮಾರಾಟ,

ಕೊಳ್ಳುವವ ಪ್ರೀತಿ ಉಳಿಸಿಕೊಳ್ಳಲು

ನಡೆಸುವನು ಹೋರಾಟ,

ಅನಾಥ ಪ್ರೀತಿಗಳು ಬಿಕ್ಕುತಿವೆ ಮೂಲೆಯಲಿ,

ಬೆರೆತ ಪ್ರೀತಿಗಳು ಹಾಡುತಿವೆ ಖುಷಿಯಲಿ,

ನಾಕುದಿನ ಉಳಿಯದ ಪ್ರೀತಿ , ಉಸಿರಲೆ ಬೆರೆತಿರುವ ಪ್ರೀತಿ,

ಕೈತುತ್ತು ನೀಡಿದ ಪ್ರೀತಿ, ದಾರಿದೀಪವಾದ ಪ್ರೀತಿ ,

ಪ್ರೀತಿಯ ನಿಜರೂಪ, ನಿಜಅರ್ಥ ಅರಿತವರಿಲ್ಲ,

ಅರಿಯಲು ಹೊರಟವ ತಿಳಿಯದೇ ಮುಳುಗಿದನಲ್ಲ.

ಅರಿವಿನ ಪರದೆ ಅರಿಯುವ ಮೊದಲೇ;

ಬಾಳಪರದೆ ಎಳೆದುಕೊಳ್ಳುವ ..

ಅರಿಯದೇ ಮರ್ಮವಾಗಿ ಉಳಿದ ಪ್ರೀತಿಯ;

ಮಗುವವಿನ೦ತೆ ಹ೦ಬಲಿಸುವ...

ಮುಗ್ಧ ಹೃದಯ...!!

- ಸಿ೦ಧು ಭಾರ್ಗವ್