: ಬೇಸಿಗೆ ಬ೦ದಿದೆ ಭುವಿ ಧಗಧಗಿಸುತ್ತಿದೆ :
ಹರಿಯುವ ನದಿಯು ಆವಿಯಾಗುತಿದೆ..
ಕುಡಿಯುವ ನೀರು ಸಿಗದಾಗುತಿದೆ..!!
~
ಗಿಡಮರ ಬಳ್ಳಿಗಳು ಬಾಡಿಹೋಗುತಿವೆ...
ರವಿಯ ತಾಪ ದಿನೇದಿನೇ ಏರುತಿದೆ..!!
~
ಸವೆವ ದೇಹದಲಿ ಬೆವರ ಉಪ್ಪು ಬೆರೆತಿದೆ..
ಕಾತುರದ ಕಣ್ಣುಗಳು ಆಗಸವ ನೋಡುತಿವೆ..!!
~
ಬೇಸಿಗೆಯ ಧಗೆಯು ಹಬೆಯ೦ತೆ ಹೆಚ್ಚಾಗುತಿದೆ..
ಕಾರ್ಮುಗಿಲು ಕಳೆಕಟ್ಟಲು ಇನ್ನೂ ಸಮಯಬೇಕಿದೆ..
~
ಬಿರುಕು ಬಿಟ್ಟ ಧರಣಿಗೆ ಮಳೆಹನಿ ಸಿ೦ಚನವಾಗಬೇಕಿದೆ..
ಸುರಿಯಲೀ ಮಳೆ....!! ತಣಿಯಲೀ ಧರೆ....!! ಹರಿಯಲೀ ತೊರೆ....!!
ಶ್ರೀಮತಿ ಸಿ೦ಧು ಭಾರ್ಗವ್ ಬೆ೦ಗಳೂರು
No comments:
Post a Comment