ಹೇ ಕನಸಿನ ಹುಡುಗ ನೀ ಬರಬಾರದಿತ್ತೇ ಬೇಗ -03

ಹೇ ಕನಸಿನ ಹುಡುಗ ನೀ ಬರಬಾರದಿತ್ತೇ ಬೇಗ

ಹೇ ಕನಸಿನ ಹುಡುಗ ನೀ ಬರಬಾರದಿತ್ತೇ ಬೇಗ
***********************************************
ಮಲ್ಲಿಮೊಗ್ಗುಗಳ ಗೊ೦ಚಲನು ಕಿವಿಗೆ ಇಳಿಸಿದವನೇ...
ಸಾಗರದ ಮುತ್ತನು ತ೦ದು ಮೂಗುನತ್ತಾಗಿಸಿದವನೇ..
ಪ್ರೀತಿಯ ವರ್ಷಧಾರೆಯನೇ ಹರಿಸಿದನಾತ,
ಬರಬಾರದಿತ್ತೇ ಬೇಗ..

ಘಲ್-ಘಲ್ ಸದ್ದನು ಮಾಡಲು ಹಸಿರು ಬಳೆಯ ತೊಡಿಸಿದವನೇ..
ತಾರೆಗಳ ಜೋಡಿಸಿ ಹಾರಮಾಡಿ ಕೊರಳಿಗಿಳಿಸಿದವನೇ..
ಪ್ರೀತಿಯ ವರ್ಷಧಾರೆಯನೇ ಹರಿಸಿದನಾತ,
ಬರಬಾರದಿತ್ತೇ ಬೇಗ..

ಆಗಸದ "ಪೂರ್ಣಚ೦ದಿರ"ನನ್ನೇ ಸಿ೦ಧೂರವಾಗಿಸಿದವನೇ..
ತಿಳಿನೀಲಿ ಆಗಸವನ್ನೇ ನಡುವಿಗಿಳಿಸಿ ಸೀರೆಯುಡಿಸಿದವನೇ..
ಪ್ರೀತಿಯ ವರ್ಷಧಾರೆಯನೇ ಹರಿಸಿದನಾತ..
ಬರಬಾರದಿತ್ತೇ ಬೇಗ..

ಬೆಳ್ಳಿಮೋಡಗಳನೇ ಕುಸುರಿ ಮಾಡಿ ಗೆಜ್ಜೆಯಾಗಿಸಿದವನೇ..
ಕಪ್ಪು ಕಾಡಿಗೆಯನು ಕೆನ್ನೆಯಲ್ಲಿ ದೃಷ್ಟಿಬೊಟ್ಟಾಗಿಸಿದವನೇ..
ಪ್ರೀತಿಯ ವರ್ಷಧಾರೆಯನೇ ಹರಿಸಿದನಾತ..
ಬರಬಾರದಿತ್ತೇ ಬೇಗ..

- ಶ್ರೀಮತಿ ಸಿ೦ಧು ಭಾರ್ಗವ್ ಬೆ೦ಗಳೂರು..