Barkur Some Google Photos..

ಹಾಡು : ಬಾ ಬಾರೋ

ಬಾ ಬಾರೋ ಬಾರೋ ಬಾರೋ ಬಾರೋ ನಿನ್ನಯ ತವರಿಗೆ
ಮರಳಿ ಬಾರಕೂರಿಗೆ
ಹಸಿರು ಹೊದ್ದಿಹ ಊರಿಗೆ, ಮಂಜುಮುಸುಕಿದ ಕೇರಿಗೆ
ಬಾರೋ ನಿನ್ನಯ ತವರಿಗೆ

ಕುಣಿದು ನಲಿದ ಬಾಲ್ಯವನ್ನು  ನೆನಪು ಮಾಡುವ ಊರಿಗೆ
ಗೆಳೆಯ ಗೆಳತಿ ಕೂಡಿ ಆಡಿ ಬೆಳೆದ ಸುಂದರ ಶಾಲೆಗೆ
// ಬಾ ಬಾರೋ//

ಅಪ್ಪ ಅಮ್ಮ ಸಲಹಿದ
ಗದ್ದೆ ತೋಟ ಬೆಳೆಸಿದ
ಉಸಿರು ನೀಡಿ ಹರಸಿದ
ಹೆಸರು ನೀಡಿ ಬೆಳೆಸಿದ // ಬಾ ಬಾರೋ//

ನೋವು ನಲಿವು ಎಲ್ಲ ಸಹಜ ದೂರದೂರ ಸಾಗಲು
ಮನೆಯ ನೆನಪು ಮರಳಿ ಬರುವುದು
ಒಂಟಿಭಾವ ಮೂಡಲು // ಬಾ ಬಾರೋ//

ಹಣದ ಹಿಂದೆ ಹೋಗಿ ಜನರು ತವರೂರನು‌ ಮರೆವರು
ಬಿಡುವು ಇರದೇ ದುಡಿವ ಜೀವಕೆ ವಿರಾಮ ಬೇಕು ಎನುವರು
ಮರಳಿ ತವರಿಗೆ ಬರುವರು
// ಬಾ ಬಾರೋ//

- ಸಿಂಧು ಭಾರ್ಗವ್ ಬೆಂಗಳೂರು