ಸಂತೆಯಲಿ ಗುನುಗಿದ ಹಾಡು: ನಮ್ಮ ಪ್ರೀತಿ ಗೂಡು

*ಸಂತೆಯಲಿ ಗುನುಗಿದ ಹಾಡು: ನಮ್ಮ ಪ್ರೀತಿ ಗೂಡು*

ನಿನ್ನ ನೋಡಿದ ಮೊದಲ ದಿನವೇ,
ಮೋಡಿ ಮಾಡಿದೆಯಲ್ಲ.
ಮಾತನಾಡಿದ ಮೊದಲ ಪದವೇ
ಮನದಲಿ ಉಳಿದಿದೆಯಲ್ಲ..

ಹೆಮ್ಮರವಾಗಿದೆ ನಮ್ಮ ಪ್ರೀತಿ
ಬೇಧಭಾವ ಮಾಡುವ ಹಾಗಿಲ್ಲ...
ನೆರಳೊಂದು ನಗುತ ನಿಂತಿದೆ
ದೂರು ಹಾಕುವ ಹಾಗಿಲ್ಲ...

ಅಚ್ಚುಮೆಚ್ಚು ನೀನೀಗ,
ಯಾರಿಗೂ ಹೇಳುವ ಹಾಗಿಲ್ಲ..
ಮುಚ್ಚುಮರೆಯಲಿ ಮೂಡಿದ ಪ್ರೀತಿ,
ಹಂಚಿಕೊಳ್ಳುವ ಹಾಗಿಲ್ಲ..

ನಮ್ಮ ಲೋಕದಲ್ಲಿ ನಾವೇ ಸುಖಿಗಳು,
ಸಂಶಯವಂತೂ ಇಲ್ಲವೇ ಇಲ್ಲ..
ಯಾರನು ಬರಲು ನಾನು ಬಿಡೆನು,
ಅಪನಂಬಿಕೆಯಂತೂ ನಿನಗೆ ಸಲ್ಲ..

ನಾಳಿನ ದಿನಗಳ ಕನಸಿನಲಿ,
ಇಂದಿನ ನೋವುಗಳ ಮರೆಯುವ ಮೆಲ್ಲ..
ಹರುಷದ ಕ್ಷಣಗಳ ನೆನಪಿಸುತ,
ಬಾನಾಡಿಗಳಾಗುವ ಬಾ ನಲ್ಲ..

📝 -ಸಿಂಧು ಭಾರ್ಗವ್ 🍁