ಕವನ: ಪುಟಾಣಿ ಲಕುಮಿ

ಕವನ: ಪುಟಾಣಿ ಲಕುಮಿ

ಹೆಜ್ಜೆಯ ಮೇಲೆ ಹೆಜ್ಜೆಯನಿಟ್ಟು
ಗೆಜ್ಜೆಯ ದನಿಯ ಮನದಲಿ ಬಿಟ್ಟು
ಎತ್ತ ಹೋದಳು ಲಕುಮಿ..

ಕಿಲಕಿಲ ನಗುತ ನೋವನು‌‌ ಮರೆಸಲು
ಮತ್ತೆ ಬಂದಳು ಲಕುಮಿ..

ಹಾಲುಗೆನ್ನೆಯ
ನೋಡುತ ಕುಳಿತರೆ
ನಾಳಿನ ಚಿಂತೆಯು ಬರದು..

ಹವಳದ ತುಟಿಯ
ನಗುವ ನೋಡಿದರೆ
ಬಾಳಲಿ ಚಿಂತೆಯು ಇರದು..

ಮುದ್ದು ಮಗುವಿನ
ಆಟವ ನೋಡುತ
ಸಮಯವು ಸರಿಯುತಲಿಹುದು..

ಮನೆಯ ದೀಪವು
ನಗುತಿರಲೆಂದು
ಮನವು ಹರಸುತಲಿಹುವು..
ಸದಾ ಮನವು ಹರಸುತಲಿಹುದು..

📝 - ಸಿಂಧು ಭಾರ್ಗವ್ 🍁