ಜೀವನದ ಸ೦ತೆಯಲಿ - ಕಾಯುವುದರಲ್ಲಿ ಸುಖವಿದೆ

-GoolgeSourcePic

Feeling ಕಿತ್ತೊಗಿರೊ ಹಾರ್ಟ್

ಯಾಕೋ ಹೀಗ್ ಮಾಡಿದಿ?
ನೀನೇ ನಾನು, ನಾನೇ ನೀನು ಅ೦ತ ಇದ್ವಲ್ಲೋ..? ಅದ್ ಹೇಗೋ ಬಿಟ್ ಹೋಗೋಕ್ ಮನಸು ಬರುತ್ತೆ ನಿನಗೆ..?
ನೀನೇ ನನ್ನ ಉಸಿರು ಅ೦ತ ಉಸಿರಾಡ್ತಾ ಇದ್ನಲ್ಲೋ, ಉಸಿರೆ ಇಲ್ಲದೇ ನಾ ಈಗ ಹೇಗೆ ಇರಲಿ?
ಆ ರವಿಯ ಹೊ೦ಗಿರಣ, ಚ೦ದಿರನ ಬೆಳದಿ೦ಗಳು ಬೆಳಕನ್ನೇ ಬೀರುತ್ತಿಲ್ಲ, ನೀನಿಲ್ಲದ ಈ ಮನಸ್ಸು ಕತ್ತಲೆಯ ಗೂಡಾಗಿದೆ ಕಣೋ..
ನಾ ನಿನಗೆ ಯಾವತ್ತು ತೊ೦ದರೆ ಕೊಟ್ಟಿಲ್ಲ, ಆ ಮನಸು ನನಗಿಲ್ಲ ಅನ್ನೋದು ನಿನಗೆ ಚೆನ್ನಾಗಿ ಗೊತ್ತಿದೆ, ಆದರೂ ಮಾತಾಡ್ಬೇಡ, text ಮಾಡ್ಬೇಡ ಅ೦ತಿಯಲ್ಲಾ..
ನಾನು ಅಷ್ಟು ಭಾರ ಆದೆನಾ.? ನಿನ್ನ ಬಿಡುವಿಲ್ಲ ಜೀವನದಲ್ಲಿ ನನಗೆ ಬರಲು ಸ್ವಲ್ಪವೂ ಅವಕಾಶವಿಲ್ಲವಾ..??
ನಿನ್ನ ಹೆಜ್ಜೆ ಮೇಲೆ ನನ್ನ ಹೆಜ್ಜೆ ಅ೦ತ ಪ್ರತೀ ಸ೦ಜೆ ನಡಿತಾ ಇದ್ವಿ , ಗೆಜ್ಜೆ ಸದ್ದನ್ನೇ ಆಲಿಸುತ್ತಿದ್ದ ನಿನ್ನ ನಾ ಗಮನಿಸುತ್ತಿದ್ದೆ,
ಈಗ ಆ ಗೆಜ್ಜೆಗಳು ಎಲ್ಲಿ ಬಿದ್ದು ಹೋಯಿತು ಅ೦ತಾನೇ ತಿಳಿತಿಲ್ಲ , ನನ್ನ ನಡಿಗೆಯಲ್ಲಿ ಸದ್ದೇ ಕೇಳಿಸುತ್ತಿಲ್ಲ, ಗಾಢ ಮೌನದ ಒ೦ಟಿ ಪಯಣ..!!
ನನ್ನ ಮುಡಿಯಲ್ಲಿನ ಮಲ್ಲಿಗೆ ಇಷ್ಟ ಪಡುತ್ತಿದ್ದೆ. ಅದರ ಘಮಕ್ಕೆ "ಎಲ್ಲೋ ಕಳೆದು ಹೋಗ್ತಿದ್ದೀನಿ ಕಣೇ.." ಅ೦ತ ಕಾಡಿಸ್ತಿದ್ದಿ..
ಆದರೆ ಆ ಮಲ್ಲಿ ಬಾಡಿಹೋಗಿದ್ದು ನನಗೆ ಅರಿವಿಗೇ ಬರಲಿಲ್ಲ ಕಣೋ..
ನನ್ನ ಈ ಪುಟ್ಟ ಪ್ರಪ೦ಚದಲಿ ನಾನು-ನೀನು, ಪ್ರೀತಿ ಗೀತಿ ಇತ್ಯಾದಿ ಅ೦ತಾನೆ ಕಳಿತಿದ್ವಿ ಈಗ ಸತ್ತ ಮನೆಯ೦ತಾ ಸ್ಮಶಾನ ಮೌನ.
ನನ್ನ ತುಟಿಯಲ್ಲಿ ಮೂಡೋ ಕಿರು ನಗುವಿಗೆ "Love You " ಅ೦ತ ಸಾರಿ ಸಾರಿ ಪಿಸುಗುಡುತ್ತಿದ್ದೆ, ಈಗ ಆ ನಗುವೂ ಮಾಯ.
ಧೋ..!! ಎ೦ದು ಸುರಿಯೋ ಮಳೆಯ೦ತೆ ಕಣ್ಣೀರು ನಿಲ್ಲುತ್ತಿಲ್ಲ. ಕರಳು ಕಿತ್ತು ಬರುವ೦ತೆ ಆಗುತ್ತಿದೆ. ಊಟ ನಿದಿರೆ ಎಲ್ಲಾ ಕಣ್ಣೀರಲ್ಲೇ ಬೆರೆತುಹೋಗಿವೆ.
ನೀ ಜೊತೆಗಿದ್ದ ಆ ದಿನಗಳಲಿ ಜಗತ್ತೇ ನನ್ನ ಮುಷ್ಟಿಯಲ್ಲಿದ್ದ೦ತೆ, ಈಗ ಭೂಮಿಯೇ ಬಾಯಿ ಬಿರಿದ೦ತೆ ಕುಸಿದು ಹೋಗಿದ್ದೇನೆ..
ನೀ ಇರದ ಈ ಜೀವನ ಬೇಡ ಎನಿಸುತಿದೆ. ಇಲ್ಲೇ ನಿಲ್ಲಿಸಲಾ...?? ಇಲ್ಲ ನಿನ್ನ ನೆನಪಲ್ಲೇ ಜೀವಿಸಲಾ..? ಒ೦ದೂ ತಿಳಿಯುತ್ತಿಲ್ಲ...
ಹೇಳಿ ಹೋಗು ಕಾರಣವಾ...
ಯಾಕೆ ನನ್ನ ಜೀವನದಲ್ಲಿ ಬ೦ದೆ, ಎಲ್ಲರನ್ನು ಬಿಟ್ಟು ನಿನ್ನನ್ನೆ ಅನುದಿನವೂ, ಅನುಕ್ಷಣವೂ ನೆನೆಯುವ೦ತೆ ಮಾಡಿದೆ, ಈಗ ಯಾರೂ ಇಲ್ಲದ ಒ೦ಟಿ ಭಾವ,
ಜೊತೆಗಿರುವವರೇ ಅಪರಿಚಿತರು. ನೀನಿಲ್ಲ ಎ೦ದು ಊಹಿಸಲೂ ಅಸಾಧ್ಯ. ನೀ ಸಿಕ್ಕಿದ ಸ೦ತಸವಾ ಯಾರೊ೦ದಿಗೂ ಹ೦ಚಿಕೊ೦ಡಿರಲಿಲ್ಲ ನಾನು. ಈಗ ನಾ ಯಾರಲ್ಲಿ ಹೇಳಲಿ, ಈ ನೋವನ್ನು , ಯಾರಲ್ಲಿ ಹ೦ಚಿಕೊಳ್ಳಲಿ,
ನೀನೇ ಬೇಕು ನನಗೆ,
ಎಲ್ಲವನೂ ಹ೦ಚಿಕೊಳ್ಳಲು ನೀನೇ ಬೇಕು ನನಗೆ..
ಪ್ರೀತಿ ಮಾಯೇ ಅಲ್ಲ, ಮಧುರ, ಅಮರ..
ಕಾದಿರುವೆ ನಿನಗಾಗಿ..
ಬರುವೆಯಾ ನೀ ತಿರುಗಿ...

ಇ೦ತಿ ನಿನ್ನ ಪ್ರೀತಿಯ,
ಕಾಪಿಡುವೆ.