Song about Our Beautiful Life

ಹಾಡು : ಜೀವನಕೆ ಮೂರರ ನಂಟು

ಮೂರೇ ಮೂರು ಅಕ್ಷರದಲ್ಲಿ
ಮೂರು ದಿನದ ಬಾಳು ಇದೆ...
ನಗುತ ಅಳುತ ಜೀವನವನ್ನು
ಸಾಗಿಸುವ ಛಲವು ಇದೆ....
*
ಜನನ ಎಂಬ ಮೂರಕ್ಷರದಿಂದ
ಪುಟ್ಟ ಪ್ರಪಂಚವ ನೋಡುವೆವು..
ಹೆತ್ತವರ ಆರೈಕೆಯಲ್ಲಿ ಆರು
ವರುಷವ ಕಳೆಯುವೆವು..
*
ಕಲಿಕೆ ಎಂಬ ಮೂರಕ್ಷಕ್ಕಾಗಿ
ಶಾಲೆಯ ಮೆಟ್ಟಿಲ ಏರುವೆವು..
ಶಿಕ್ಷಕರ ಭೋದನೆಯಿಂದ
ವಿನಯವನ್ನು ಕಲಿಯುವೆವು..
*
ವ್ಯಾಸಂಗವನ್ನು ಮುಂದುವರೆಸಿ
 ಸಾಧನೆಯನ್ನು ಮಾಡುವೆವು..
ಸಹನೆಯ ಜೊತೆಗೆ ಶೋಧನೆಯು
 ಸೇರಿ ಉನ್ನತ ಹುದ್ದೆಗೆ ಏರುವೆವು..
*
ಯವ್ವನ ಎಂಬ ಪಾಶಕೆ ಸೋತು
 ಮದುವೆ ಗೆ ಬಲಿಯಾಗುವೆವು‌..
ಸಂಗಾತಿಯ ಜೊತೆಗೆ ಒಲುವೆಯ
 ಬೆಳೆಸಿ ಮಕ್ಕಳನ್ನು ಪಡೆಯುವೆವು..
*
ಸಂಸಾರದ ನೊಗವ ಸಾಗಿಸಲೆಂದು
 ದುಡಿಮೆಗೆ ಕಟಿಬೀಳುವೆವು..
ಜೀವನ ಹೀಗೆ ಸಾಗುತಲಿ
ವೃದ್ಧಾಪ್ಯವು ಬಂದು ಆವರಿಸುವುದು...
*
ಖಾಯಿಲೆ ಎಂಬ ವೈರಿಗಳಿಂದ
 ನೆಮ್ಮದಿಯು ದೂರಾಗುವುದು..
ಹಾಗೋ ಹೇಗೋ ದಿನಗಳ ದೂಡುತ
ಮರಣವು ಸಮೀಪಿಸುವುದು..
*
ಮೂರೇ ಮೂರು ಅಕ್ಷರದಲ್ಲಿ
ಮೂರುದಿನದ ಬಾಳು ಇದೆ...
ನಗುತ ಅಳುತ ಜೀವನವನ್ನು
ಸಾಗಿಸುವ ಛಲವು ಇದೆ....

📝 - ಸಿಂಧು ಭಾರ್ಗವ್ 🍁