ಬ್ಲಡ್ ಡೋನರ್ಸ್ ಮಂಗಳೂರು ವತಿಯಿಂದ ರಾಜ್ಯಮಟ್ಟ ಕವನ ಮತ್ತು ಲೇಖನ ವಿಜೇತರಿಗೆ ಬಹುಮಾನ ವಿತರಣಾ ಸಮಾರಂಭ

(@)(@)(@)

(@)(@)(@)

ಇದೇ ಮೊದಲ ಬಾರಿಗೆ ಒಂದು ಸ್ಪರ್ಧೆಯಲ್ಲಿ ನಾನು ಬಹುಮಾನ ಪಡೆದಿರುವುದು. ಹಾಗು ನನ್ನ ಹೆಸರು ಒಂದು ಪತ್ರಿಕೆಯಲ್ಲಿ ಬಂದಿರುವುದು ಸಂತಸ ನೀಡಿದೆ.
.
.
ಧನ್ಯವಾದಗಳು..
- 📝 ಸಿಂಧು ಭಾರ್ಗವ್ 💐🙏👍

1))
ಬ್ಲಡ್ ಡೋನರ್ಸ್ ಸಂಘಟನೆ ಮಂಗಳೂರು ಇವರ ವತಿಯಿಂದ ನಡೆದ ರಕ್ತದಾನ ಶಿಬಿರದಲ್ಲಿ ರಾಜ್ಯಮಟ್ಟದ ಕವನ, ಲೇಖನ ವಿಜೇತರಿಗೆ ಬಹುಮಾನ ವಿತರಣಾ ಕಾರ್ಯಕ್ರಮದ ಬಗ್ಗೆ  ವಿಜಯ ಕರ್ನಾಟಕ ಪೇಪರ್ ನಲ್ಲಿ ಒಂದು ಸಣ್ಣ ಲೇಖನ.. ವಿಜೇತರಿಗೆಲ್ಲರಿಗೂ ಅಭಿನಂದನೆಗಳು.ಶುಭಹಾರೈಕೆಗಳು..))
(@)(@)(@)

2))

ಬ್ಲಡ್ ಡೋನರ್ಸ್ ಮಂಗಳೂರು ವತಿಯಿಂದ ರಾಜ್ಯಮಟ್ಟ ಕವನ ಮತ್ತು ಲೇಖನ ವಿಜೇತರಿಗೆ ಬಹುಮಾನ ವಿತರಣಾ ಸಮಾರಂಭ -

http://www.newskannada.in/featured-news/blood-doners/

(@)(@)(@)

3))
ಬ್ಲಡ್ ಡೋನರ್ಸ್ ಸಂಘಟನೆ ಮಂಗಳೂರು ಇವರ ವತಿಯಿಂದ ನಡೆದ ಅನೇಕ ಸಮಾಜಮುಖಿ ಕಾರ್ಯಗಳು :
YouTube link is : News at V4 NEWS(24*7) channel 


https://youtu.be/6j624UCQLNY

ಕನ್ನಡ ಹಾಡು: ಪ್ರೀತಿ ಮೂಡಿದೆ ಹೊಸ ಶಂಕೆ ಕಾಡಿದೆ..

*ಹಾಡು : _ಪ್ರೀತಿ ಮೂಡಿದೆ, ಹೊಸ ಶಂಕೆ ಕಾಡಿದೆ..._*
°°° °°° °°° °°° °°° °°° °°° °°° °°° °°° °°° °°° °°° °°° °°°

 @@()@@

ಹಾಡು: ಪ್ರೀತಿ ಮೂಡಿದೆ, ಹೊಸ ಶಂಕೆ ಕಾಡಿದೆ.

ಮನದಲಿ ಹೊಸ ಭಾವವು
ಮರೆಯದ ಹೊಸ ರಾಗವು
ನೀ ಬಂದು ಎದುರಾಗಲೂ
ಪ್ರೀತಿ ಮೂಡಿದೆ, ಹೊಸ ಶಂಕೆ ಕಾಡಿದೆ...

ಜೀಕುವ ಜೋಕಾಲಿಯ
ಹಿಡಿಯಲಿ ಹೊಸ ಕನಸನು
ನಾ ಈಗ ಹೊಸೆದಿರಲೂ
ಪ್ರೀತಿ ಮೂಡಿದೆ ಹೊಸ ಶಂಕೆ ಕಾಡಿದೆ...

ಹದಮಾಡಿದ ಹಸಿ ಮಣ್ಣಲಿ
ಅರಿಯದೇ ನಿನ್ನ ಬಿಂಬವ
ನಾನೀಗ ಕೊರೆದಿರಲು
ಪ್ರೀತಿ ಮೂಡಿದೆ ಹೊಸ ಶಂಕೆ ಕಾಡಿದೆ.

ಮನಸಿನ ಮೂಲೆಯಲಿ
ಹೂವರಳಿ ನಿಂತಿರಲು
ಮೂಡಿದ ಚಿತ್ರದಲಿ ನಾನಿನ್ನ ನೋಡಿರಲು
ಪ್ರೀತಿ ಮೂಡಿದೆ ಹೊಸ ಶಂಕೆ ಕಾಡಿದೆ.

📝 - ಸಿಂಧು ಭಾರ್ಗವ್ 🍁

Mother and Womb...

@()@

@()@

Mother and Womb

ಅಂದು-ಇಂದಿನ ನಡುವೆ #Broken_Heart

ಅಂದು-ಇಂದಿನ ನಡುವೆ #Broken_Heart

@()@

@()@

@()@

@()@

@()@

ಲೇಖನ: ಜೀವನದ ಸಂತೆಯಲಿ - ಅರಿತು ಬೆರೆತು ಬಾಳಿದರೆ ಸಾಂಸಾರಿಕ ಜೀವನ ಸುಂದರ.

@()@()@

*ಜೀವನದ ಸಂತೆಯಲಿ - ಅರಿತು ಬೆರೆತು ಬಾಳಿದರೆ ಸಾಂಸಾರಿಕ ಜೀವನ ಸುಂದರ*.

@)) ಮದುವೆ ಆಗೋ ಮೊದಲು ಹೆಣ್ಮಕ್ಕಳು ನೂರಾರು ಕನಸುಗಳನ್ನು ಕಟ್ಟಿಕೊಳ್ಳುವುದು ಸಹಜ.

@)) 21-22ರ ವಯಸ್ಸಿನಲ್ಲಿ ಶೇ.70% ರಷ್ಟು ಹೆಣ್ಣು ಮಕ್ಕಳಿಗೆ ಮನೆಯಲ್ಲಿ ಯೋಗ್ಯ ವರನ ನೋಡಿ ಅದೂ 29-30ರ ಆಸುಪಾಸಿನ ಹುಡುಗನ ಜೊತೆಗೆ ಮದುವೆ ಮಾಡಿಸುವುದು ರೂಢಿಯಾಗಿದೆ.

@)) ಕೆಲವು ಹುಡುಗರು ತನ್ನೆಲ್ಲಾ ಭಾವನೆಗಳನ್ನು ಮನಬಿಚ್ಚಿ ಮಾತನಾಡಲು ಬಯಸುವರು. ಪತ್ನಿಯ ಆಗಮನಕ್ಕೆ ಕಾಯುತಲಿರುವರು. ಅಂತವರಿಗೆ ತನ್ನ ಜೀವನದ ಬಹುದೊಡ್ಡ ಘಟ್ಟ "ಮದುವೆ" ಎಂಬ ನಂಬಿಕೆ ಇರುತ್ತದೆ. ಅಲ್ಲದೇ ಒಂದಷ್ಟು ಕನಸುಗಳನ್ನು ಕಟ್ಟಿಕೊಂಡಿರುವರು.

ಪತ್ನಿಯ ಜೊತೆಗೆ ಕುಳಿತು ಮಾತನಾಡುವುದು, ತಮಾಷೆ, ರೇಗಿಸುವುದು ಬಾಲ್ಯದ ನೆನಪುಗಳನ್ನು ಹೇಳೆಂದು ಅವಳ‌ ಮನಸ್ಸನ್ನು ಅರ್ಥ ಮಾಡಿಕೊಳ್ಳಲು ಹೋಗುತ್ತಾರೆ.

*ಅಲ್ಲಿ ಅನ್ಯೋನ್ಯತೆ ಮನೆಮಾಡುತ್ತದೆ. ಸಂಬಂಧ ಗಟ್ಟಿಯಾಗಿ ಬೆಸೆದುಕೊಳ್ಳುತ್ತದೆ. ಒಬ್ಬರನ್ನೊಬ್ಬರ ಅರಿತು ನಡೆಯುವುದರಿಂದ ಜೀವನ ಸುಂದರವಾಗಿರುತ್ತದೆ.*

@)) ಕೆಲವು ಗಂಡಸರು ಹಾಗಲ್ಲ, ಅವರಿಗೆ ಹೆಂಡತಿ ಮೇಲೆ ಪ್ರೀತಿಯೇನೊ ತುಂಬಾ ಇರುತ್ತದೆ. ಆದರೆ ವ್ಯಕ್ತಪಡಿಸಲು ಬರುವುದಿಲ್ಲ. ಬೇಕು-ಬೇಡಗಳ ತಂದುಕೊಡುತ್ತಾರೆ. ರಾಣಿಯ ಹಾಗೆ ನೋಡಿಕೊಳ್ಳುತ್ತಾರೆ. ಆದರೆ ಜೊತೆಗೆ ಕೂತು ಹರಟೆ, ತಮಾಷೆ, ಭಾವನೆಗಳ ವಿನಿಮಯ ಮಾಡಿಕೊಳ್ಳಲು ಬರುವುದಿಲ್ಲ. ಅಂತವರಿಂದ ಯಾವ ನಿರೀಕ್ಷೆಯು ಇಟ್ಟುಕೊಳ್ಳಲು ಸಾಧ್ಯವಿಲ್ಲ. ಹಾಗೆ ಅವಳು ಕಾಣುವ ಅದೆಷ್ಟೋ ಸಣ್ಣ ಸಣ್ಣ ಕನಸುಗಳು ಕಣ್ಣೀರಾಗಿ ಹರಿದುಹೋಗಿರುತ್ತದೆ. ಕಾರಣ ಗಂಡನಿಗೆ ಮನಸ್ಸಿನ ಭಾವನೆ ಅರ್ಥವಾಗುವುದಿಲ್ಲ.

*ಇಂತಹ ಪತಿರಾಯರನ ಜೊತೆಗೆ ಜೀವಿಸಲು ತುಂಬಾ ಸಹನೆಯಿಂದಿರಬೇಕಾಗುತ್ತದೆ. ಅವನನ್ನು ಅರ್ಥಮಾಡಿಕೊಂಡು ನಡೆದರೆ ಜೀವನ  ಚೆನ್ನಾಗಿ ನಡೆಸಬಹುದು. ಹಾಗೆ ಪತ್ನಿಯೇ ಒಂದಷ್ಟು ಬಾಯಿ ಬಿಟ್ಟು ಮನದ ಮಾತನ್ನು ಹೇಳಿಕೊಂಡರೆ ಅವನು ಬದಲಾಗಲೂ ಬಹುದು. ಇಲ್ಲದಿದ್ದರೆ ಮನಸ್ಸು ಹದಗೆಡುತ್ತದೆ. ಸಂಬಂಧ ಬಿರುಕು ಬಿಡುತ್ತದೆ.*

@)) ಕೆಲವು ಹೆಂಗಸರು ಅಲ್ಲದೇ ಗಂಡಸರು ಕೂಡ ಮುಂಗೋಪ, ಅಸಹನೆ, ಹಠಮಾರಿತನ, ಕಲಹ , ದ್ವೇಷಗಳನ್ನೇ ಮದುವೆ ಆದಂದಿನಿಂದ ಪ್ರಾರಂಭಿಸಿ ಸಾಂಸಾರಿಕ ಜೀವನವನ್ನು ನರಕ ಮಾಡಿಕೊಳ್ಳುತ್ತಾರೆ.

*ಹೆಂಗಸರಿಗಾಗಲಿ, ಗಂಡಸರಿಗಾಗಲಿ ಬಯಕೆಗಳು ಇರಬೇಕು (ಅದು ಬೇಕು ಇದು ಬೇಕು ಎಂದು) ಆದರೆ ಪಡೆಯಲೇಬೇಕು ಎಂಬ ಹಠವಿರಬಾರದು..*

@)) *ಈಗಿನ ಕಾಲದಲ್ಲಿ ಹೆಣ್ಮಕ್ಕಳು ಕೆಲಸಕ್ಕೆ ಹೋಗುತ್ತಾರೆ. ಗಂಡು- ಹೆಣ್ಣು ಇಬ್ಬರೂ ಸಮಾನರು ಎಂಬ ಭಾವನೆ ಬಂದುಬಿಟ್ಟಿದೆ. ಮಾನಸಿಕವಾಗಿ ಹೆಣ್ಣು , ಗಂಡಿಗಿಂತ ಗಟ್ಟಿಗಿತ್ತಿಯಾದರೂ ದೈಹಿಕವಾಗಿ ಅಲ್ಲ ಎಂದು ವೈದ್ಯರೇ ಹೇಳುತ್ತಾರೆ. ಹಾಗಾಗಿ ಹೆಣ್ಣು ತನ್ನ ಸ್ಥಾನವನ್ನು ಅರಿತು ,ಕರ್ತವ್ಯವನ್ನು ಅರಿತು ಸಾಂಸಾರಿಕ ಜೀವನವನ್ನು ನಡೆಸಬೇಕು. ತುಂಬಾ ಓದಿದ್ದೇನೆ , ಕೈತುಂಬಾ ಸಂಬಳಬರುತ್ತದೆ, ನಾನು ಯಾರಿಗೂ ಗುಲಾಮಳಾಗಿ ಇರಬೇಕೆಂದಿಲ್ಲ ಎಂಬ ಭ್ರಮೆಯನ್ನು ಬಿಟ್ಟು ಅರಿತು ಬೆರೆತು ಅವರವರ ಸಾಂಸಾರಿಕ ಜೀವನವನ್ನು ಚಂದಗಾಣಿಸಿಕೊಳ್ಳಬೇಕು. ಅದನ್ನು ಬಿಟ್ಟು ಅಹಂಕಾರದಿಂದ ಗಂಡನ ಅವಶ್ಯಕತೆ ಇಲ್ಲವೆಂದರೆ ಒಂಟಿಯಾಗಿ ಜೀವನಮಾಡಬೇಕಾಗುತ್ತದೆ. ಒಂಟಿತನವೂ ಕೆಲವೊಮ್ಮೆ ಖಿನ್ನತೆಯನ್ನು ಮೂಡಿಸುತ್ತದೆ. ಜೀವನವನ್ನು ಗೆಲ್ಲಬೇಕು. ಜಾಣ್ಮೆಯಿಂದ ಗೆಲ್ಲಬೇಕು.*

@()@

*ಈಗ ಹೇಳಿ ಯಾರು ಯಾವ ರೀತಿಯ ಮನಸ್ಥಿತಿಯನ್ನು ಹೊಂದಿದ್ದೀರಿ...??*

📝 - ಸಿಂಧು ಭಾರ್ಗವ್ 🍁

I promoted as Lyric Writer By the Song Sanjegempu mooditu

ಹಾಡು : ಸಂಜೆಗೆಂಪು‌ ಮೂಡಿತು.
ಬರೆದವರು : ಸಿಂಧು ಭಾರ್ಗವ್.
ಹಾಡಿದವರು : ಜನಪ್ರಿಯ ಚಲನಚಿತ್ರ ಗಾಯಕಿ ಸಂಗೀತ ಬಾಲಚಂದ್ರ ಉಡುಪಿ.
ರೆಕಾರ್ಡಿಂಗ್ : ಗುರುರಾಜ್ ಎಂ.ಬಿ
(ಸಾಯಿರಾಮ್ ಸ್ಟುಡಿಯೋ ಮಂಗಳೂರು)
ಸಂಯೋಜನೆ : ಹುಸೈನ್ ಕಾಟಿಪಳ್ಳ.

ಕೆಲ ಚಿತ್ರಗಳು :

ಹಾಡಿದವರು ಸಂಗೀತ ಬಾಲಚಂದ್ರ ,ಮೊಹಮ್ಮದ್ ಅಲಿ ಕಮ್ಮರಡಿ ಪಕ್ಕದಲ್ಲಿ ( ಕಲೆಯನ್ನು ಅತೀವವಾಗಿ ಪ್ರೋತ್ಸಾಹಿಸುವ ವ್ಯಕ್ತಿ)

ಹಾಡು ಬರೆದವರು : ಸಿಂಧು ಭಾರ್ಗವ್ 

ವಿಷೇಶವಾಗಿ ನನ್ನ ಬರವಣಿಗೆಯನ್ನು ಗುರುತಿಸಿ ಪ್ರೋತ್ಸಾಹ ನೀಡಿದವರು ಶ್ರೀ ಮೊಹಮ್ಮದ್ ಅಲಿ ಕಮ್ಮರಡಿ.. ಎಲ್ಲರಿಗೂ ಹೃತ್ಪೂರ್ವಕ ವಂದನೆಗಳು. ಒಮ್ಮೆ ಕೇಳಿ. ಆನಂದಿಸಿ.
.
YouTube link is :-

https://youtu.be/x1RkXTxkHc4

ಯುಗಾದಿ ಮತ್ತೆ ಬಂದಿದೆ

ಯುಗಾದಿ ಮತ್ತೆ ಬಂದಿದೆ..‌

ಯುಗದ ಆದಿ ಶುರುವಾಗಿದೆ..
ಅಂಗಳದಲ್ಲಿ ಪ್ರೀತಿಯ ರಂಗವಲ್ಲಿ ಬಿಡಿಸಬೇಕಿದೆ..
ಹೊಸಕನಸುಗಳ ತೋರಣದಲ್ಲಿ ಹೊಸೆಯಬೇಕಿದೆ..
ಹಳೆಯ ನೋವುಗಳ ಇಂಚಿಂಚಾಗಿ ಮರೆಯಬೇಕಿದೆ..

ಹೊಸವರುಷ ಮತ್ತೆ ಬಂದಿದೆ...
ಪಟ್ಟೆ ಸೀರೆಯಲ್ಲಿ ಮನೆಮಗಳಂದವ ನೋಡಬೇಕಿದೆ..
ಮಗನ ರೇಶಿಮೆ ಶಾಲಿನಲ್ಲಿ ಹುರುಪು ತುಂಬ ಬೇಕಿದೆ..
ಪತಿರಾಯರಿಗೆ ಬಿಸಿಬಿಸಿಯ ಒಬ್ಬಟ್ಟು ತಿನ್ನಿಸಬೇಕಿದೆ.‌.

ಯುಗಾದಿ ಮತ್ತೆ ಬಂದಿದೆ..
ನೆರೆಕೆರೆಯವರಿಗೆಲ್ಲ ಹಾರೈಸಿ ಸಂಭ್ರಮ ಪಡಬೇಕಿದೆ..
ಸಿಹಿ ಹಂಚಿ ಅವರ ನಗುಮೊಗವ ನೋಡಬೇಕಿದೆ‌..
ಚಿಗುರೆಲೆ ತಿಂದು ಹಾಡುವ ಕೋಗಿಲೆಯ ಹುಡುಕಬೇಕಿದೆ‌‌‌‌..

ಯುಗಾದಿ ಮತ್ತೆ ಬಂದಿದೆ..
ಮನ,
ಈ ಹೊಸ ವರುಷ ಹರುಷವನ್ನೇ ತರಲಿ ಎಂದಿದೆ.‌.

- ಸಿಂಧು ಭಾರ್ಗವ್ .

ಕವನ : ಹೋಳೀ ಹುಣ್ಣಿಮೆ

🍁🙏😊😍🌼🌸🌷🌹
ಹೋಳಿಹುಣ್ಣಿಮೆಯ ಶುಭಹಾರೈಕೆಗಳು..
🍁🙏😊😍🌼🌸🌷🌹
ಆಹಾ..ಹುಣ್ಣಿಮೆ ಬಂದಿದೆ ಇನ್ನೊಮ್ಮೆ..
ನೋಡು ಪೂರ್ಣ ಚಂದಿರನ ನೀನೊಮ್ಮೆ..
•
ಪ್ರೀತಿಯ ಕಣಕಣದಲೂ
ಬಣ್ಣತುಂಬಿದವ ನೀನು..
ಚಂದಿರನ ತುಣುಕೊಂದನು
ಕಾಣಿಕೆ ನೀಡಿದವ ನೀನು..
•
ತೆಂಗಿನ ಗರಿಗಳ ನಡುವೆ
ನೂರಾರು ಕನಸುಗಳು..
ಮೋಡದ ರಾಶಿಗಳ ನಡುವೆ
ಬೆರೆತ ಪ್ರೀತಿಯ ಉಸಿರು..
•
ವರ್ಣನೆಗೂ ಅತೀತ ನಿನ್ನಯ ಪ್ರೀತಿ..
ಶ್ಯಾಮನ ನೆನಯುವ ರಾಧೆಯ ರೀತಿ..
•
ಆಹಾ..! ಹುಣ್ಣಿಮೆ ಬಂದಿದೆ ಇನ್ನೊಮ್ಮೆ..
ನೋಡು ಪೂರ್ಣ ಚಂದಿರನ ನೀನೊಮ್ಮೆ..
•
- #ಸಿಂಧು_ಭಾರ್ಗವ್. 🍁

ಮಾರ್ಚ್ ೦೮ ವಿಶ್ವ ಮಹಿಳಾದಿನ

@*@*@*@

@*@*@*@*@*@

(•) *ಬೆಳಿಗ್ಗೆ ಏಳು ಗಂಟೆಗಾಗಲೇ ರೊಟ್ಟಿ ತಿಂದು ೮-೯ತಿಂಗಳ ಮಗುವನ್ನು ಬಿಗಿಯಾಗಿ ಬೆನ್ನಿಗೆ ಕಟ್ಟಿಕೊಂಡು ಕಚ್ಚೆಕಟ್ಟಿ ಪಿಕಾಸಿ ಹಿಡಿದು ರಸ್ತೆ ಬದಿಯಲಿ ಮಣ್ಣು ಅಗೆಯುತಲಿರುವ ಮಹಿಳೆಗೆ ತಿಳಿದೇ ಇಲ್ಲ ಇಂದು ಮಹಿಳಾದಿನವೆಂದು..*

(•) *ನಿನ್ನೆ ಸಂಜೆ ಮಳೆ ಬಂದಿತೆಂದು ಸ್ವಲ್ಪ ಬೇಗನೆ ಮನೆಗೆ ಹೋದ ಕಾರಣ ಇಂದು ಮುಂಜಾನೆ ಆರು ಗಂಟೆಗಾಗಲೇ ತನ್ನ ನಿಗದಿತ ಜಾಗದಲ್ಲಿ ಬಂದು ಕುಳಿತು ವಿಧವಿಧ ತರಕಾರಿಗಳ ಗುಡ್ಡೆಹಾಕಿ ಮಾರಾಟಕ್ಕಿಳಿದ ಮುದಿ ಅಜ್ಜಿಗೆ ತಿಳಿದೇ ಇಲ್ಲ ಇಂದು ಮಹಿಳಾದಿನವೆಂದು..*

(•) *ಬಿಸಿಲು ಮಳೆಗೆ ಮೈಯೊಡ್ಡಿ ಕಾಲಗಳ ಭೇದವಿಲ್ಲದೇ ಸೇವಂತಿಗೆ ,ಮಲ್ಲಿಗೆ ,ಕನಕಾಂಬರ, ಗುಲಾಬಿ ಹಾರ ಮಾಡಿ ಮಾರಲು ಕುಳಿತ ಕಮಲಮ್ಮನಿಗೆ ತಿಳಿದಿಲ್ಲ ಇಂದು ಮಹಿಳಾದಿನವೆಂದು..*

(•) *ಅಷ್ಟೇ ಏಕೆ ದಿನಾ ಬೆಳಿಗ್ಗೆ ಕೋಳಿಕೂಗುವ ಮೊದಲೇ ಎದ್ದು ಕೊಟ್ಟಿಗೆಗೆ ಹೋಗಿ ಹಸುಗಳ ಮೈತೊಳೆಸಿ ಹೊಟ್ಟೆಗೆ ಕೊಟ್ಟು ಹಾಲು ಕರೆದು ಡೈರಿಗೆ ಕೊಡುವ ನನ್ನ #ಹಡೆದವ್ವನಿಗೂ ತಿಳಿದೇ ಇಲ್ಲ ಇಂದು ನಮ್ಮ ದಿನ- ಮಹಿಳಾ ದಿನವೆಂದು..*

*ಏನೀ ಸಂಭ್ರಮ? ಯಾಕೀ ಸಂಭ್ರಮ? ದಿನವೂ ಸವೆಯುತ , ಸೇವೆ ಮಾಡುತ ಏನೂ ಪಡೆದುಕೊಳ್ಳದೆ ಅವರಿಷ್ಟದ ವಿಷಯಗಳನ್ನು ತ್ಯಾಗ ಮಾಡುವ ಅದೆಷ್ಟೋ ಮಹಿಳೆಯರು, ಹಳ್ಳಿಗಳಲಿ, ಹೊಲಗಳಲಿ ಬೆವರುಸುರಿಸಿ ದುಡಿಯುವ ಅದೆಷ್ಟೋ ಮಹಿಳೆಯರು ಇಂದು ಇವರೆಲ್ಲರ ನೆನಪಿಸುವ ಕೆಲಸವಾದರೂ ನಡೆಯಲಿ..*

*ಈ ಒಂದು ದಿನದ ಬಾಯಿಮಾತಿನ ಹಾರೈಕೆಯಿಂದ ಏನೇನೂ ಲಾಭವಿಲ್ಲ..*
🙏🌼🌸🌹🌷🌹🌸🌼🙏
√) *ಹೆಣ್ಣು ಭ್ರೂಣ ಹತ್ಯೆ ನಿಲ್ಲಿಸಲು ಇನ್ನೂ  ಸಾಧ್ಯವಾಗಲಿಲ್ಲ..*
 √) *ವರದಕ್ಷಿಣೆ ಕಿರುಕುಳ, ಲೈಂಗಿಕ ದೌರ್ಜನ್ಯ, ಅತ್ಯಾಚಾರ, ಕೊಲೆ ಮಾನಸಿಕವಾಗಿ, ದೈಹಿಕವಾಗಿ ಹಿಂಸಿಸುವುದು ಇನ್ನೂ ನಿಂತಿಲ್ಲ..*
√) *ಹೆಣ್ಣನ್ನು ಮಕ್ಕಳನ್ಹಡೆಯುವ ಯಂತ್ರದಂತೆ, ಕೇವಲ ಭೋಗದ ವಸ್ತುವಿನಂತೆ, ಮನೆಕೆಲಸ ಮಾಡುವ ಆಳಿನಂತೆ ನೋಡುವುದು ಇನ್ನೂ ಬಿಟ್ಟಿಲ್ಲ..*
😔😞😔😢😭
ಸಾಕು.. ಹೆಣ್ಣು ಸೃಷ್ಟಿ -ಸ್ಥಿತಿ-ಲಯ ಎಲ್ಲವೂ.. ಆದರೂ ಈಗಿನ ಕಾಲದಲ್ಲಿ ಅವಳನ್ನು ನೆಮ್ಮದಿಯಿಂದ ಬದುಕಲೂ ಬಿಡುತ್ತಿಲ್ಲ..
😢🙏😔🙏
ಬದಲಾವಣೆ ಬರಲಿ..
.
.
.
ಇದೊಂದು ಕಡೆಯಾದರೆ ಹೆಣ್ಣಿಗೆ ಹೆಣ್ಣೇ ಶತ್ರು ಎನ್ನುವ ಮಾತು ಕೂಡ ಸುಳ್ಳಲ್ಲ. ಸ್ವಾರ್ಥ, ಅಹಂಕಾರ ದರ್ಪ ತೋರಿಸುತ್ತಾ ಬಂದ ಸೊಸೆಯನ್ನು ಮೂಲೆ ಗುಂಪಾಗಿಸುವ ಅತ್ತೆ ,ನಾದಿನಿಯರು, ಇಲ್ಲಾ "ನಾನೂ ಓದಿರುವೆ, ನಾನೂ ದುಡಿಯುವೆ  ಎಂದು ಗಂಡನನ್ನ ಅಗೌರವದಿಂದ ನೋಡುವ ವಯಸ್ಸಾದ ಅತ್ತೆ ಮಾವಂದಿರನ್ನ ನೋಡಿಕೊಳ್ಳಲೂ ಮನಸ್ಸು ಮಾಡದ, ಮಕ್ಕಳನ್ನೂ ಹೆರಲು ಒಪ್ಪದ, ಹೆತ್ತರೂ ಆ ಮಗುವನ್ನು ಚೆನ್ನಾಗಿ ನೋಡಿಕೊಂಡು ತಾಯ್ತನ ಅನುಭವಿಸುವ ಭಾಗ್ಯವೂ ಇಲ್ಲದ ಮಹಿಳೆಯರು...

ಎಲ್ಲಾ ಅಯೋಮಯ..
- ಸಿಂಧು ಭಾರ್ಗವ್. 🍁

ರಕ್ತದಾನದ ಬಗ್ಗೆ ಬರೆದ ಕವನಕ್ಕೆ ಸಮಾಧಾನಕರ ಬಹುಮಾನ ದೊರೆತದ್ದು ಮರೆಯಲಾಗದ ಕ್ಷಣ.

.

ರಕ್ತದಾನ ಮಾಡುವುದರ ಬಗ್ಗೆ ಜಾಗ್ರತಿ ಮೂಡಿಸುವ ಸಲುವಾಗಿ  ನಡೆಸಿದ ರಾಜ್ಯಮಟ್ಟದ ಕವನ  ಸ್ಪರ್ಧೆಯಲ್ಲಿ ನನಗೆ ಸಮಾಧಾನಕರ ಬಹುಮಾನ ಸಿಕ್ಕಿದೆ👆🌷😍😘 9th place see 🌷😍👆
ಆಯೋಜಕರಿಗೆ ಅಭಿವಂದನೆಗಳು🙏
•••••••••••
 #ಕವನದ_ಶೀರ್ಷಿಕೆ : ರಕ್ತದಾನ
~~‌ ~~ ~~ ~~ ~~ ~‌~ ~~
ಕಾಲೇಜು ದಿನಗಳಲಿ ಅದೊಂತರಾ ಉತ್ಸಾಹ..
ರಕ್ತದಾನ ಮಾಡುವೆನೆಂದರೆ ಎಲ್ಲರದ್ದೂ ಪ್ರೋತ್ಸಾಹ..
•
ಉಚಿತವಾಗಿ ಸಿಗುವ ಒಂದು ಸೇಬಿಗಾಗಿ,
ಹತ್ತಾರು ಶಹಬ್ಬಾಸ್ ಗಿರಿಗಾಗಿ..
ಓಡುತ್ತಿದ್ದೆವು ರಕ್ತದಾನ ಮಾಡಲು
ತಾಮುಂದು ನಾಮುಂದಾಗಿ...
•
ಆಗೆಲ್ಲ ರಕ್ತದಾನದ ಮಹತ್ವ ತಿಳಿದವನೂ ಅಲ್ಲ,
ನನಗೂ ಅದರ ಅಗತ್ಯ
ಬರಬಹುದಾದ ಅರಿವೂ ಇರಲಿಲ್ಲ..
•
ಬಿಸಿರಕ್ತ, ಮೋಟಾರು ಬೈಕಿನಲಿ ಕುಳಿತರೂ
ಕುದುರೆ ಮೇಲೆ ಕುಳಿತ ಭಾವ..
ಲಗಾಮು ಇಲ್ಲದೇ ಓಡಿಸಿದ್ದಕ್ಕೆ
ನೆಲಕ್ಕುರುಳಿತು ಜೀವ..
•
ಪ್ರಜ್ಞೆ ತಪ್ಪಿತು, ಮುಂದೇನಾಯಿತು?
ದಡಬಡ ಎಂದು ತುರ್ತು ನಿಗಾ ಘಟಕಕ್ಕೆ ದೇಹ ಹೋಯಿತು..
•
ವೈಧ್ಯರು ಬಂದರು, ಸ್ನೇಹಿತರ ಕರೆದರು..
ಅಗತ್ಯವಾಗಿ ರಕ್ತ ಬೇಕಾಗಿದೆ..
ಆಸ್ಪತ್ರೆಯಲಿ ಸಂಗ್ರಹಿಸಿದ್ದು ಕಾಲಿಯಾಗಿದೆ..
ಅಲ್ಲಿ ಇಲ್ಲಿ ವಿಚಾರಿಸಿದರು, ಗೆಳೆಯರು ಗಾಬರಿಗೊಂಡರು..
ರಕ್ತದ ಬ್ಯಾಗಿಗಾಗಿ ಉಪಾಯ ಮಾಡಿದರು..
•
ಗೆಳೆಯನ ರಕ್ತವೇ ದೇಹಕ್ಕೆ ಸರಬರಾಜಾಯಿತು,
ಕೊನೆಯುಸಿರು ಕೂಡ ಸರಾಗವಾಯಿತು..
•
ಪಿಳಿಪಿಳಿ ಕಣ್ಣಿನಿಂದ ಮತ್ತೆ ಲೋಕ ನೋಡಿದೆ,
ಗೆಳೆಯ ನೀಡಿದ ರಕ್ತದಿಂದ ಮತ್ತೆ ಜೀವ ಬಂದಿದೆ,
ರಕ್ತದಾನದ ನಿಜವಾದ ಅರ್ಥ ಈಗ ಅರಿವಾಗಿದೆ..

"ರಕ್ತದಾನ ಶ್ರೇಷ್ಟ ದಾನ"
( ನಿಮ್ಮಿಂದ ಒಂದು ಜೀವ ಉಳಿಯುವುದೆಂದಾರೆ ಯಾಕೆ ರಕ್ತದಾನಕ್ಕೆ‌ ಮುಂದಾಗಬಾರದು)

- ಸಿಂಧು ಭಾರ್ಗವ್